९ हजारांच्या बजेटमध्ये जबरदस्त फोन; Realme C51 ची भारतात एंट्री, पाहा किंमत आणि फीचर्स

रियलमीनं आपल्या बजेट फ्रेंडली सी सीरिजचा विस्तार केला आहे. आज Realme C51 स्मार्टफोन भारतात लाँच करण्यात आला आहे. किंमत कमी असून देखील ५० मेगापिक्सलचा कॅमेरा, ५०००एमएएचची बॅटरी आणि ३३ वॉट सुपरवुक चार्जिंग असे फिचर मिळतात. परंतु ह्यातील मिनी कॅप्सूल फिचर तुम्हाला आयफोनमधील डायनॅमिक आयलंडचा फील देईल.

Realme C51 ची किंमत

Realme C51 चा एकच मॉडेल भारतीय बाजारात सादर करण्यात आला आहे. ज्यात ४जीबी रॅम आणि ६४जीबी स्टोरेज देण्यात आली आहे. ह्या स्मार्टफोनची किंमत मात्र ८,९९९ रुपये ठेवण्यात आली आहे. लाँच ऑफर अंतर्गत आयसीआयसीआय आणि एसबीआय बँकेच्या ग्राहकांना ५०० रुपयांचा डिस्काउंट मिळेल. ह्याची विक्री ११ सप्टेंबरपासून फ्लिपकार्टवर केली जाईल तर आज संध्यकाळी ६ वाजल्यापासून अर्ली बर्ड सेल सुरु होईल. रियलमी सी५१ स्मार्टफोन कार्बन ब्लॅक आणि मिंट ग्रीन अशा दोन रंगात उपलब्ध होईल.

वाचा: WhatsApp वापरता? मग या महत्त्वाच्या ४ सेटिंग्ज आताच करा ऑन, नाहीतर…

Realme C51 चे स्पेसिफिकेशन्स

Realme C51 मध्ये ६.७-इंचाचा एचडी+ आयपीएस एलसीडी डिस्प्ले देण्यात आला आहे. जो १६०० x ७२० पिक्सल रिजॉल्यूशन आणि ९० हर्ट्झ रिफ्रेश रेटला सपोर्ट करतो. या डिवाइसमध्ये ऑक्टा-कोर युनीसोक टी ६१२ चिपसेट देण्यात आला आहे जो १२एनएम प्रोसेसवर बनला आहे. जोडीला माली-जी५७ जीपीयू मिळतो.

डिवाइसमध्ये ४जीबी एलपीडीडीआर४एक्स रॅम सोबत १२८जीबी इंटरनल स्टोरेज सपोर्ट देण्यात आली आहे. ही स्टोरेज मायक्रोएसडी कार्डच्या मदतीनं २टीबी पर्यंत वाढवता येते. तर ८जीबी पर्यंत व्हर्च्युअल रॅम देखील अतिरिक्त मिळवता येतो.

फोनमध्ये ड्युअल रियर कॅमेरा सेटअप आहे. ज्यात एलईडी फ्लॅशसह ५० मेगापिक्सलचा एआय प्रायमरी कॅमेरा आहे आणि जोडीला एक डेप्थ कॅमेरा मिळतो. सेल्फी आणि व्हिडीओ कॉलिंगसाठी ८ मेगापिक्सलचा कॅमेरा मिळतो. डिवाइसमध्ये ३३वॉट सुपरवुक फास्ट चार्जिंगसह ५,०००एमएएचची बॅटरी आहे.

वाचा: स्वस्त चिनी फोन्सना नवा पर्याय येतोय; ६ सप्टेंबरला भारतात लाँच होत आहे Nokia 5G smartphone

रियलमी सी५१ अँड्रॉइड १३ आधारित रियलमी युआयवर चालतो. मोबाइलमध्ये साइड-माउंटेड फिंगरप्रिंट सेन्सर, ३.५mm ऑडियो जॅक, ड्युअल सिम ४जी, वाय-फाय, ब्लूटूथ ५.० सारखे फीचर्स मिळतात.