Xiaomi 13T सीरीज लाँच
सोशल मीडिया प्लॅटफॉर्म एक्सवर शाओमीच्या ऑफिशियल हँडलवरून सांगण्यात आलं आहे की Xiaomi 13T सीरीज २६ सप्टेंबरला लाँच होणार आहे. हा इवेंट बर्लिनमध्ये आयोजित केला जाईल आणि स्थानिक वेळेनुसार दुपारी २:०० वाजता सुरू होईल. त्याचबरोबर कंपनीनं फोनमधील Leica कॅमेऱ्याची देखील माहिती दिली आहे.
Xiaomi 13T चे संभाव्य स्पेसिफिकेशन्स
Xiaomi 13T मध्ये क्रिस्टलरेस ६.६७ इंचाचा AMOLED डिस्प्ले मिळू शकतो. ज्यात १.५के रिजॉल्यूशन आणि १४४ हर्ट्झ रिफ्रेश रेट मिळेल.
फोन MediaTek Dimensity 8200 Ultra चिपसेटसह बाजारात येऊ शकतो. जोडीला ८जीबी रॅम व २५६ जीबी इंटरनल स्टोरेज दिला जाऊ शकते. डिवाइस अँड्रॉइड १३ आधारित मीयुआय१४ वर चालू शकतो.
वाचा: बंदी हटल्यानंतर देखील Free Fire India साठी पाहावी लागणार वाट; कंपनीनं सांगितलं कारण
डिवाइसच्या बॅक पॅनलवर ट्रिपल कॅमेरा सेटअप मिळू शकतो. ज्यात ओआयएस सपोर्टसह ५० मेगापिक्सलचा Sony IMX707 कॅमेरा मिळेल. सोबत ८ मेगापिक्सल आणि २ मेगापिक्सलचे दोन कॅमेरे मिळतील. सेल्फी आणि व्हिडीओ कॉलिंगसाठी २० मेगापिक्सलचा फ्रंट कॅमेरा असू शकतो.
स्मार्टफोनमध्ये ६७ वॉट फास्ट चार्जिंग सपोर्टसह ५०००एमएएचची बॅटरी मिळू शकते.
Xiaomi 13T Pro चे संभाव्य स्पेसिफिकेशन्स
Xiaomi 13T Pro मध्ये देखील क्रिस्टलरेस ६.६७ OLED डिस्प्ले मिळू शकतो. ज्यात १४४ हर्ट्झ रिफ्रेश रेट आणि १.५के रिजॉल्यूशन मिळेल.
कंपनी ह्यात MediaTek Dimensity 9200+ चिपसेटचा वापर करू शकते. त्याचबरोबर १६जीबी रॅम +१टीबी इंटरनल स्टोरेज असण्याची शक्यता आहे. डिवाइस अँड्रॉइड १३ आधारित मीयुआय १४ वर चालू शकतो.
वाचा : भन्नाटच! 3D फोटो आणि व्हिडीओ कॅप्चर करू शकतो iPhone 15 Ultra; लीक झाली माहिती
Xiaomi 13T Pro मध्ये शानदार Leica लेन्स असलेला कॅमेरा असेल. ज्यात ५० एमपीची प्रायमरी Sony IMX707 लेन्स, १३ मेगापिक्सलची अल्ट्रा-वाइड Omnivision OV138 लेन्स आणि ५० मेगापिक्सलची टेलीफोटो Omnivision OV50D लेन्स दिली जाऊ शकतो. Xiaomi 13T Pro मध्ये १२० वॉट फास्ट चार्जिंगसह ५,००० एमएचची बॅटरी दिली जाऊ शकते.