‘स्टेट बँक ऑफ इंडिया’ मध्ये १०७ जागांसाठी भरती! जाणून घ्या काय आहे पात्रता..

‘एसबीआय’ (SBI) म्हणजेच स्टेट बँक ऑफ इंडियाने भरती साठीची एक अधिसूचना जारी केली आहे. या भरती प्रक्रियेअंतर्ग आर्मरर्सआणि लिपिक संवर्गातील कंट्रोल रूम ऑपरेटर या पदांच्या १०७ रिक्त जागा भरण्यात येणार आहेत. या भरत प्रक्रियेसाठी इच्छूक आणि पात्र उमेदवारांकडून अर्ज मागवण्यात आले आहेत. आर्मरर्स या पदासाठी केवळ माजी सैनिक, माजी सीएपीएफ जवान (AR) अर्ज करू शकतात तर लिपिक संवर्गातील कंट्रोल रूम ऑपरेटर पदांसाठी केवळ माजी सैनिक, माजी सीएपीएफ जवान (AR), माजी अग्निशमन सेवा कर्मचारी अर्ज करू शकतात. या पदांसाठी अर्ज करण्याची प्रक्रिया सुरू झाली असून १० ऑक्टोबर ही शेवटची तारीख आहे. या भारतीचे तपशील पुढीलप्रमाणे..

एसबीआय भरती २०२३ मधील पदे आणि पदसंख्या:

आर्मरर्स – १८ जागा
कंट्रोल रूम ऑपरेटर – ८९ जागा
एकूण रिक्त जागा – १०७

वयोमर्यादा:

आर्मरर पदासाठी उमेदवाराचे वय कमीत कमी २० वर्षे ते जास्तीत जास्त ४५ वर्षे असावे. कंट्रोल रूम ऑपरेटरच्या पदासाठी, उमेदवाराचे किमान वय २० वर्षे आणि माजी सैनिक/ माजी CAPF/AR यांच्यासाठी कमाल वय ४८ वर्षे आणि राज्य अग्निशमन सेवा कर्मचार्‍यांसाठी ३५ वर्षे असावे.

(वाचा: MSCE Scholarship Exam 2023: पाचवी, आठवीची शिष्यवृत्ती परीक्षा १८ फेब्रुवारीला! विद्यार्थ्यांनो आजच करा अर्ज..)

अर्ज शुल्क:

या भरतीसाठी कोणतेही अर्ज शुल्क नाही.

या भरतीसंदर्भात सविस्तर अधिसूचना वाचण्यासाठी https://sbi.co.in/documents/77530/36548767/050920231755-Detailed+AD+Final.pdf/ या लिंकवर क्लिक करा.

अर्ज कसा करावा:

या भरती प्रक्रियेतील रीक्त पदांसाठी अर्ज करण्यासाठी स्टेट बँक ओक इंडियाच्या https://bank.sbi/web/careers या अधिकृत वेबसाईटला भेट द्या. त्यानंतर होमपेज वरील JOIN SBI/ Recruitment टॅबवर क्लिक करा. तिथे भरतीसाठीच्या लिंक येतील. त्यावर आपली अचूक नोंदणी करून योग्य त्या कागदपत्रांची पूर्तता करून अर्ज सादर करा.

(वाचा: WCL Nagpur Recruitment 2023: ‘वेस्टर्न कोलफिल्ड्स लिमिटेड’ मध्ये ११९१ जागांसाठी महाभरती! आजच करा अर्ज..)