पगारवाढ होत नसेल तर जन्माष्टमीला करा ‘या’ ८ गोष्टी, कृष्णासह होईल लक्ष्मी कृपा

जन्माष्टमीच्या निमित्ताने घराची सजावट करून, नियमानुसार पूजा केल्याने कृष्ण प्रसन्न होतो आणि आपल्याला धनवृद्धी आणि सुख समृद्धी लाभते. शास्त्रामध्ये असेही सांगण्यात आले आहे की, या दिवशी काही विशेष अचुक उपाय केल्याने धनाची देवी लक्ष्मी देखील प्रसन्न होते. हे उपाय काय आहेत ते पाहूया.

खूप प्रयत्न करूनही जर तुमचे उत्पन्न वाढत नसेल तर जन्माष्टमीच्या दिवशी ७ मुलींना तुमच्या घरी बोलावून त्यांना खीर किंवा पांढरी मिठाई खाऊ घाला. त्यानंतर सलग पाच शुक्रवार मुलींना खीर किंवा पांढरी मिठाई द्यावी. असे केल्याने लक्ष्मी तुमच्या घरात वास करेल.

जर तुमच्या घरात पैशांबाबत बराच काळ वाद सुरू असेल तर जन्माष्टमीच्या दिवशी सकाळी स्नान करून कृष्ण मंदिरात जाऊन पिवळ्या माळा आणि पिवळे वस्त्रे अर्पण करावीत. असे केल्याने तुमच्या जीवनात चमत्कारिक बदल होतील.

नोकरीमध्ये बराच काळ तणाव असेल तर जन्माष्टमीच्या दिवशी कपाळावर चंदनाचा टिळक लावावा. त्यानंतर गुलाब जलासोबत कुंकू घ्या आणि कपाळावर गंध लावा. हे रोज केल्याने तुमच्या मनाला शांती आणि शीतलता मिळेल आणि देव तुमच्या सर्व मनोकामना पूर्ण करेल.

देवी लक्ष्मीला प्रसन्न करण्यासाठी जन्माष्टमीला केळीचे झाड लावा आणि त्याची रोज सेवा करा. त्यावर फळे यायला लागली की दान करा, स्वतः खाऊ नका.

लक्ष्मी प्राप्तीसाठी जन्माष्टमीला तुळशीच्या झाडावर तुपाचा दिवा लावा आणि त्याची रोज काळजी घ्या. भगवान श्रीकृष्णाच्या नैवेद्यात तुळशीचे पान अवश्य ठेवावे.

जन्माष्टमीनिमित्त दक्षिणावर्ती शंख पाण्याने भरून श्रीकृष्णाला अभिषेक करावा. हा उपाय केल्याने देवी लक्ष्मी प्रसन्न होऊन तुमचे घर ऐश्वर्याने भरते आणि तुम्हाला सुख-समृद्धी मिळते.

जन्माष्टमीच्या दिवशी ईशान्य कोपर्‍यात गाईच्या तुपाचा दिवा लावा आणि ॐ वासुदेवाय नमः या मंत्राचा ११ वेळा जप करा आणि देवाचे ध्यान करा.

जन्माष्टमी निमित्त भगवान श्रीकृष्णाला खायची पाने अर्पण करा. त्यानंतर पानावर श्री लिहून तिजोरीत ठेवा. असे केल्याने तुमच्या घरात धनसंपत्ती वाढण्याची शक्यता आहे.