व्हॉट्सअ‍ॅपच्या लेटेस्ट फीचरच्या मदतीनं तुम्ही नंबरविना देखील पंतप्रधानांचं चॅनेल जॉइन करू शकता. इन्स्टंट मेसेजिंग प्लॅटफॉर्मनं गेल्या आठवड्यातच WhatsApp Channel फीचर रोलआउट केलं आहे, जो हळूहळू सर्व युजर्सपर्यंत पोहोचत आहे. ह्या प्लॅटफॉर्मच्या मदतीनं तुम्ही पंतप्रधान नरेंद्र मोदींना फॉलो करू शकता.
वाचा: एचपीनं लाँच केला बजेट फ्रेंडली गेमिंग लॅपटॉप; 32GB RAM असलेल्या HP Omen 16 सह Victus 16 ची भारतात एंट्री
कसं करायचं फॉलो?
पंतप्रधान मोदींना व्हॉट्सअ‍ॅपवर फॉलो करण्यासाठी सर्वप्रथम तुमचं व्हॉट्सअॅप अपडेट करावा लागेल. जर तुमच्याकडे व्हॉट्सअ‍ॅपवर चॅनेल फीचर नसेल तर अ‍ॅप अपडेट करा. त्यानंतर तुम्हाला व्हॉट्सअॅप ओपन करा. आता तुमच्या Status च्या जागी तुम्हाला Update चा ऑप्शन दिसेल.
त्यावर क्लिक करताच तुम्हाला Channels दिसतील. तिथे Find Channels च्या ऑप्शनवर क्लिक करा आणि Narendra Modi लिहा. त्यानंतर तुमच्या स्क्रीनवर पंतप्रधान मोदींच चॅनेल येईल, जे तुम्ही फॉलो करू शकता. फॉलो करण्यासाठी ‘+’ बटन टॅप करा.
जर व्हॉट्सअॅप अपडेट केल्यानंतर देखील तुम्हाला हा ऑप्शन येत नसेल, तर काही दिवस वाट पाहावी लागेल. कारण हे फीचर गेल्याच आठवड्यात रोलआउट करण्यात आलं आहे, त्यामुळे सर्व युजर्सना हे फिचर मिळण्यास थोडा वेळ लागू शकतो.
वाचा: तुमच्या घरच्या भिंतीला बनवा हाय डेफिनेशन टीव्ही; Portronics Beem 420 प्रोजेक्टर लाँच
तुम्हाला पंतप्रधानांना मेसेज पाठवता येईल का?
नाही, चॅनेलला फॉलो केल्याने तुम्ही त्यावर मेसेज करू शकत नाही. तुम्ही ह्या माध्यमातून फक्त त्या चॅनेल संबंधित अपडेट्स मिळतील. अ‍ॅडमिन जो मेसेज करेल, ते सर्व मेसेज एक ब्रॉडकास्ट प्रमाणे मिळतील. चॅनेलवर तुमचा नंबर सुरक्षित राहतो. म्हणजे इतरांना तुमचा नंबर दिसत नाही.