६ महिन्यांचा इतका स्वस्त प्लॅन! BSNL चे दोन रिचार्ज नवीन प्लॅन झाले लाँच, पाहा किंमत

सरकारी टेलिकॉम कंपनी बीएसएनएल सारखे रिचार्ज प्लॅन जियो, एयरटेल आणि विआयकडे देखील नसतात. आता पुन्हा एकदा ग्राहकांना आकर्षित करण्यासाठी बीएसएनएलनं देखील दोन नवीन प्लॅन्स सादर केले आहेत. नव्या प्लॅन्सना कंपनीनं रिटारमेंट प्लॅन असं नाव दिलं आहे. ह्या प्लॅनची किंमत ४११ रुपये आणि ७८८ रुपये आहे जे अनुक्रमे ९० दिनों आणि १८० दिवसांच्या वैधतेसह बाजारात आले आहेत. चला जाणून घेऊया ह्या प्लॅन्समध्ये मिळणारे बेनिफिट्स आणि संपूर्ण माहिती.

BSNL चा ४११ रुपयांचा प्लॅन

ह्या रिचार्जमध्ये ९० दिवसांची वैधता कंपनीनं दिली आहे. त्याचबरोबर ग्राहकांना २जीबी डेटा दिला जात आहे. ह्याचा अर्थ असा की युजर्सना एकूण १८० जीबी डेटा मिळतो. तसेच जर तुमचा डेली डेटा संपला तर तुमचं इंटरनेट बंद होत नाही तर डेली लिमिट पूर्ण झाल्यावर डेटाचा स्पीड कमी होऊन ४०केबीपीएस होतो.

हे देखील वाचा: स्मार्टफोनचं व्यसन सोडवायचं आहे? मग अँड्रॉइडमधील ‘ही’ सेटिंग आताच करा ऑन

BSNL चा ७८८ रुपयांचा प्लॅन

BSNL च्या ७८८ रुपयांच्या व्हाउचर मध्ये १८० दिवसांची व्हॅलिडिटी कंपनीनं दिली आहे. तसेच रोज ग्राहकांना २ जीबी डेटा दिला जाईल. म्हणजे एकूण ३६० जीबी डेटा दिला जात आहे. ह्या प्लॅनमध्ये देखील डेली डेटा लिमिट संपल्यावर स्पीड कमी होऊन इंटरनेट सुरु राहतं, म्हणजे डेली डेटा लिमिट संपल्यावर ४० केबीपीएसचा स्पीड मिळतो.

विशेष म्हणजे हे दोन्ही प्लॅन डेटा व्हाउचर आहेत म्हणजे तुमच्या चालू प्लॅनला बूस्ट करण्यासाठी किंवा नंबर सक्रिय ठेवण्यासाठी हे उपयुक्त ठरू शकतात. ह्यासाठी तुम्हाला सामान्य व्हाउचर प्लॅनची आवश्यकत आहे. सध्या हे प्लॅन संपूर्ण भारतातील ग्राहकांसाठी उपलब्ध आहेत.

हे देखील वाचा: १७ हजारांमध्ये आकर्षक ५जी फोन; लोकांच्या बजेटमध्ये बसावा म्हणून Vivo Y56 5G चा नवा व्हेरिएंट बाजारात

हे दोन्ही नवीन डेटा व्हाउचर बीएसएनएलनं चुपचाप सादर केले आहेत. हे त्या युजर्ससाठी चांगले आहेत ज्यांना जास्त कालावधीसाठी डेटा व्हाउचरसह रिचार्ज हवा आहे. एकदा बीएसएनएलनं ४जी लाँच केलं तर हे प्लॅन ग्राहकांसाठी जबरदस्त ठरतील.