Motorola Edge 40 Neo ची किंमत
Motorola Edge 40 Neo फोनच्या ८जीबी रॅम व १२८जीबी स्टोरेज व्हेरिएंटची किंमत २३,९९९ रुपये आहे. तर १२ जीबी रॅम व २५६जीबी स्टोरेज व्हेरिएंटची किंमत २५,९९९ रुपये आहे. लाँच ऑफर अंतर्गत हे अनुक्रमे २०,९९९ रुपये आणि २२,९९९ रुपयांमध्ये विकत घेता येतील. तर १००० रुपयांचा डिस्काउंटनंतर हे किंमत १९,९९९ रुपये आणि २१,९९९ रुपये आहे. फोनची विक्री २८ सप्टेंबरपासून Flipkart आणि Motorola वेबसाइटवरून सुरु होईल. हा फोन Caneel Bay, Soothing Sea आणि Black Beauty कलरमध्ये विकत घेता येईल.
हे देखील वाचा: ६ महिन्यांचा इतका स्वस्त प्लॅन! BSNL चे दोन रिचार्ज नवीन प्लॅन झाले लाँच, पाहा किंमत
Motorola Edge 40 Neo चे स्पेसिफिकेशन्स
मोटोरालच्या ह्या फोनमध्ये ६.५५ इंचाचा pOLED डिस्प्ले देण्यात आला आहे. जो १४४ हर्ट्झ रिफ्रेश रेटला सपोर्ट करतो. फोनचे डायमेंशन १५९.६३ x ७१.९९ x ७.७९मिमी आणि वजन १७० ग्राम आहे. हा फोन आयपी६८ रेटिंगसह येतो त्यामुळे हा फोन १.५ मीटर पाण्यात ३० मिनिटे सुरक्षित राहू शकतो.
हा फोन MediaTek Dimensity 7030 प्रोसेसरसह बाजारात आला आहे. त्याचबरोबर १२ जीबी पर्यंत रॅम आणि २५६जीबी पर्यंत इंटरनल स्टोरेज मिळते. ह्यात ५०००एमएएचची बॅटरी जी ६८वॉट फास्ट चार्जिंगला सपोर्ट करते. कंपनीचा दावा आहे की फोन सिंगल चार्ज वर ३६ तास वापरता येतो. चार्जिंगसाठी यात यूएसबी टाइप-सीचा सपोर्ट देण्यात आला आहे.
हे देखील वाचा: स्मार्टफोनचं व्यसन सोडवायचं आहे? मग अँड्रॉइडमधील ‘ही’ सेटिंग आताच करा ऑन
फोटोग्राफीसाठी फोनमध्ये ५० मेगापिक्सलचा प्रायमरी कॅमेरा देण्यात आला आहे, ज्यात नाइट व्हिजनचा सपोर्ट मिळतो. फोनमध्ये १३ मेगापिक्सलचा अल्ट्रा-वाइड सेन्सर आहे. सेल्फी व व्हिडीओ कॉलिंगसाठी फोनमध्ये ३२ मेगापिक्सलचा कॅमेरा मिळतो.