Realme GT 5 Pro टीजर
कंपनीच्या ग्लोबल सोशल मीडिया अकाऊंटवरून नवीन फोनची माहिती समोर आली आहे. ह्या पोस्टमध्ये डिवाइसच्या नावाचा उल्लेख नाही परंतु हा Realme GT 5 Pro असेल असा अंदाज लावला जात आहे. तुम्ही पोस्टमध्ये पाहू शकता की मोबाइलमध्ये मॅक्स झूम लेन्स असल्याचं सांगण्यात आलं आहे. म्हणजे स्मार्टफोनमध्ये चांगल्या पेरिस्कोप लेन्सचा समावेश केला जाऊ शकतो. ह्या टीजरमुळे हा फोन लवकरच बाजारात येईल हे स्पष्ट झालं आहे.
हे देखील वाचा: स्वदेशी ब्रँडची कमाल! ९९९ रुपयांमध्ये चमकणारे इअरबड्स, १० मिनिटांच्या चार्जिंगवर ८ तासांचा प्लेबॅक
Realme GT 5 Pro चे संभाव्य स्पेसिफिकेशन्स
ह्या आगामी रियलमी मोबाइलमध्ये कर्व्ड पॅनलसह २के रिजॉल्यूशन असलेला डिस्प्ले दिला जाऊ शकतो. जो १४४ हर्ट्झ रिफ्रेश रेटला सपोर्ट करू शकतो. Realme GT 5 Pro मध्ये इन डिस्प्ले फिंगरप्रिंट सेन्सर, ब्लूटूथ, वाय-फाय, ड्युअल सिम ५जी, आयपी६८ रेटिंग सारखे फीचर्स मिळू शकतात.
Realme GT 5 Pro मध्ये क्वॉलकॉम स्नॅपड्रॅगन ८ जेन ३ चिपसेटचा वापर केला जाऊ शकतो, जो क्वॉलकॉमचा सर्वात शक्तिशाली प्रोसेसर आहे. हा चिपसेट येत्या ऑक्टोबरमध्ये सादर होणार आहे. चांगल्या परफॉर्मन्ससाठी मोठा व्हेपर वेपर चेंबर मिळण्याची देखील शक्यता आहे.
डिवाइसमध्ये २४जीबी पर्यंत रॅम आणि १टीबी पर्यंत इंटरनल स्टोरेज मिळू शकते. हा डिवाइस अँड्रॉइड १४ आधारित रियलमी युआय ५.० वर चालू शकतो. मोबाइलमध्ये ५४००एमएएचची बॅटरी १००वॉट फास्ट चार्जिंग आणि 5० वॉट वायरलेस चार्जिंगसह दिली जाऊ शकते.
हे देखील वाचा: धक्काबुक्की आणि रांगेविना १० मिनिटांत घरपोच मिळवा iPhone 15; फ्लिपकार्ट-अ‍ॅमेझॉन नव्हे तर ‘इथून’ करा ऑर्डर
रियलमी जीटी५ प्रो मध्ये ट्रिपल रियर कॅमेरा मिळू शकतो. ज्यात सोनी आयएमएक्स ९XX सीरीजचा प्रायमरी कॅमेरा, ६४ मेगापिक्सलची ओव्ही६४बी पेरिस्कोप लेन्स ३X ऑप्टिकल झूम आणि १३ मेगापिक्सलची अल्ट्रा वाइड अँगल लेन्स मिळू शकते.