गुगलच्या सर्वात शक्तिशाली फोन्सची किंमत लीक; पाहा Pixel 8 आणि Pixel 8 Pro बसतात का तुमच्या बजेटमध्ये

Google लवकरच आपली नवीन सीरीज Pixel 8 लाँच करणार आहे. ह्या सीरीज अंतगर्त Google Pixel 8 आणि Pixel 8 Pro लाँच केले जातील. ह्या फोनच्या लाँच पूर्वीच फोनची काही माहिती लीक झाली आहे. ही सीरीज ४ ऑक्टोबरला लाँच केली जाईल आणि आता ह्याची किंमत लीक झाली आहे. ही किंमत अमेरिकेतील आहे. लीक्सनुसार,Pixel 8 ची किंमत ६९९ डॉलर्स असू शकते. तसेच, Pixel 8 Pro ची किंमत ९९९ डॉलर्स असू शकते. विशेष म्हणजे Pixel 7 सीरीजच्या किंमतीच्या तुलनेत ह्या नवीन सीरीजच्या किंमतीत १०० डॉलर्स वाढ झाली आहे.

Pixel 8 सीरिज किंमत

एका रिपोर्टनुसार, Pixel 8 आणि Pixel 8 Pro ६९९ डॉलर्स आणि ९९९ डॉलर्समध्ये लाँच होऊ शकतात, भारतीय चालनानुसार, अनुक्रमे ५८,००० रुपये आणि ८२,९०० रुपये आहेत. भारतात ह्यांची किंमत जास्त असण्याची शक्यता आहे. पिक्सल ७ आणि पिक्सल ७ प्रो ची किंमत भारतात अनुक्रमे ५९,९९९ रुपये आणि ८४,९९९ रुपये होती. त्यामुळे Pixel 8 ची भारतीय किंमत ६५,००० ते ७०,००० दरम्यान असू शकते. तसेच, Pixel 8 Pro ची किंमत ९०,००० ते ९५,००० च्या घरात असू शकते.

हे देखील वाचा: २२०००एमएएचची राक्षसी बॅटरी, भल्यामोठ्या एलईडी फ्लॅश लाइटसह Ulefone Armor 24 रगेड स्मार्टफोन लाँच

Pixel 8 आणि Pixel 8 Pro चे संभाव्य फीचर्स

Pixel 8 पाहता ह्यात ६.२ इंचाचा डिस्प्ले देण्यात आला आहे ज्याचा रिफ्रेश रेट १२० हर्ट्झ आहे. ह्यात ड्युअल रियर कॅमेरा मिळेल. ज्यात ५० मेगापिक्सलचा मुख्य कॅमेरा आणि १२ मेगापिक्सलचा अल्ट्रा वाइड सेन्सर मिळू शकतो. तर फ्रंट कॅमेरा १०.५ मेागपिक्सलचा आहे. ह्यात फास्ट चार्जिंग फीचर देण्यात आलं आहे. त्याचबरोबर गुगल टेंसर जी३ प्रोसेसर देण्यात आला आहे सोबत आयपी६८ रेटिंग मिळेल.

हे देखील वाचा: ६४ मेगापिक्सलचा कॅमेरा आणि ८जीबी रॅम; Vivo Y200 स्मार्टफोनचे फीचर्स लाँचपूर्वीच लीक

Pixel 8 Pro पाहता ह्यात ६.२ डिस्प्ले देण्यात आला आहे ज्याचा रिफ्रेश रेट १२० हर्ट्झ आहे. फोनमध्ये ट्रिपल रियर कॅमेरा मिळेल. ज्यात ५० मेगापिक्सलचा मुख्य कँमेरा, ४८ मेगापिक्सलचा अल्ट्रा वाइड आणि ४८ मेगापिक्सलची टेलिफोटो लेन्स मिळेल. फोनमध्ये १०.५ मेागपिक्सलचा फ्रंट कॅमेरा मिळेल. ह्यात फास्ट चार्जिंग फीचर मिळेल. तसेच गुगल टेंसर जी३ प्रोसेसरची पावर देण्यात आली आहे. ह्यात आयपी६८ रेटिंग देण्यात आली आहे.