गुपचुप भारतात लाँच झाला Vivo Y17s; बजेटमध्ये ५० मेगापिक्सलचा कॅमेरा आणि ५००० एमएएचची बॅटरी

चीनी फोन मेकर विवोनं भारतात नवीन बजेट स्‍मार्टफोन Vivo Y17s लाँच केला आहे. फोन गेल्याच महिन्यात सिंगापूरमध्ये सादर करण्यात आला होता आणि आता हा भारतात आला आहे. कंपनी प्रत्येक प्राइस कॅटेगरीमध्ये एकापाठोपाठ एक डिवाइस घेऊन येत आहे आणि भारतीय स्‍मार्टफोन मार्केटमध्ये आपली पकड मजबूत करत आहे. Vivo Y17s मध्ये एचडी प्‍लस डिस्‍प्‍ले, ५००० एमएएचची मोठी बॅटरी देण्यात आली आहे. फोनमध्ये ४ जीबी रॅम आहे आणि अँड्रॉइड १३ ओएसवर चालतो.

Vivo Y17s ची किंमत

Vivo Y17s मिड रेंज फोन ग्लिटर पर्पल आणि मिस्टिक ग्रीन कलरमध्ये विकत घेता येईल. फोन विवो ई-स्टोर वरून विकत घेता येईल. ह्याच्या ४ जीबी रॅम + ६४ जीबी स्टोरेज मॉडेलची किंमत ११,४९९ रुपये आणि ४ जीबी रॅम + १२८ जीबी स्टोरेज मॉडेलची किंमत १२,४९९ रुपये आहेत.

हे देखील वाचा: दुमडणारा सर्वात स्वस्त फोनच्या सेलची तारीख आली; कमी किंमतीत देतो सॅमसंग-ओप्पोला टक्कर

Vivo Y17s चे स्पेसिफिकेशन्स

Vivo Y17s मध्ये ६.५६ इंचाचा IPS LCD डिस्प्ले देण्यात आला आहे. हा ७२० x १६१२ पिक्सलचा HD+ रेजॉलूशन देतो. डिस्‍प्‍ले मध्ये ६० हर्ट्झ रिफ्रेश रेट आहे आणि पीक ब्राइटनेस ८४० निट्स आहे. Vivo Y17s मध्ये ५० मेगापिक्‍सलचा मुख्य रियर कॅमेरा देण्यात आला आहे. त्याचबरोबर २ मेगापिक्‍सलची बोकेह लेन्स आहे. फ्रंटला ८ मेगापिक्‍सलचा सेल्‍फी कॅमेरा आहे.

वाय१७एस मध्ये ५,००० एमएएचची मोठी बॅटरी आहे. हा १५ वॉट फास्ट चार्जिंगला सपोर्ट करतो. Vivo Y17s मध्ये मीडियाटेकचा हीलियो जी८५ प्रोसेसर आहे. हा ४ जीबी LPDDR4x रॅम आणि १२८ जीबी पर्यंत इंटरनल स्‍टोरेजसह आला आहे. एसडी कार्डच्या मदतीनं फोनची स्‍टोरेज को वाढवता येते. हा फोन अँड्रॉइड १३ ओएसवर चालतो, ज्यावर कंपनीच्या फनटच ओएस १३ ची लेयर आहे.

हे देखील वाचा: जगात कुठेही लाँच न झालेला फोन आहे Anushka Sharma कडे; आयफोन-सॅमसंग नव्हे तर ‘हा’ मॉडेल दिसला हातात

त्याचबरोबर फोनमध्ये ड्युअल-बँड वाय-फाय, ब्लूटूथ ५.०, जीपीएस, यूएसबी-सी पोर्ट, ३.५ एमएम ऑडियो जॅक देण्यात आला आहे. परंतु हा ५जी स्‍मार्टफोन नाही आहे. जर तुम्ही ५जी डिवाइस घेऊ इच्छित असाल तर ह्या किंमतीत इतर ऑप्शन्स आहेत.