इतकी असू शकते दोन डिस्प्ले असलेल्या Oppo Find N3 Flip ची किंमत; उद्या येतोय भारतात

Oppo Find N3 Flip स्मार्टफोन उद्या म्हणजे १२ ऑक्टोबरला भारतीय बाजारात दाखल होत आहे. हा फोन आधीच चीनमध्ये आल्यामुळे ह्याचे स्पेसिफिकेशन्स माहित आहेत. तर आता भारतीय लाँचपूर्वी ह्या फोल्डेबल स्मार्टफोनची किंमत समोर आली आहे. टिपस्टरनं ह्या स्मार्टफोनचे भारतीय स्पेसिफिकेशन्स देखील शेअर केले आहेत. चला जाणून घेऊया

Oppo Find N3 Flip ची लीक किंमत

टिप्सटर अभिषेक यादवनं आपल्या एक्स हँडलवर Oppo Find N3 Flip स्मार्टफोनची भारतीय किंमत लीक केली आहे. टिप्सटरनुसार, भारतात या फोनची किंमत ९४,९९९ रुपये होगी, ज्यात १२जीबी रॅम आणि २५६जीबी स्टोरेज मिळेल. डिस्काउंटनंतर हा फोन ८९,६२२ रुपयांमध्ये विकत घेता येईल.

हे देखील वाचा: यापेक्षा स्वस्तात मिळणार शक्तिशाली OnePlus 11 5G, ७ हजारांची सूट आणि OnePlus Buds Z2 मोफत

भारतात ओप्पो फाइंड एन३ फ्लिप फोन १२ ऑक्टोबरला लाँच केला जाईल. हा इव्हेंट कंपनीच्या सोशल मीडिया प्लॅटफॉर्मसाथ युट्युबवरून पाहता येईल. हा लाँच इव्हेंट संध्याकाळी ७ वाजता सुरु होईल. उद्या येणारा फोल्डेबल स्मार्टफोन गेल्यावर्षी आलेल्या Oppo Find N2 Flip ची जागा घेईल, ज्याची किंमत ८९,९९९ रुपयांपासून सुरु होते.

Oppo Find N3 Flip चे स्पेसिफिकेशन्स

Oppo Find N3 Flip फोन चीनमध्ये लाँच झाला आहे. चीनी मॉडेलमध्ये ६.८० इंचाचा AMOLED डिस्प्ले देण्यात आला आहे, ज्याचा रिफ्रेश रेट १२० हर्ट्झ आहे. ह्यात ३.२६ इंचाचा कव्हर डिस्प्ले देण्यात आला आहे. तसेच, फोन MediaTek Dimensity 9200 प्रोसेसरसह आला आहे, सोबत १२जीबी रॅम आणि ५१२जीबी स्टोरेज मिळते.

हे देखील वाचा: फ्रीमध्ये Spotify वापरणाऱ्यांना कंपनीचा दणका; छोटे-छोटे फिचर वापरण्यासाठी पण द्यावे लागणार पैसे

फोटोग्राफीसाठी फोनमध्ये ट्रिपल रियर कॅमेरा सेटअप सर्कुलर मॉड्यूलमध्ये मिळतो. ज्यात ५० मेगापिक्सलचा सोनी आयएमएक्स८९० प्रायमरी कॅमेरा ओआयएस सपोर्टसह मिळतो. सोबत ८ मेगापिक्सलचा अल्ट्रा-वाइड सेन्सर आणि ३२ मेगापिक्सलची टेलीफोटो लेन्स मिळते. सेल्फी व व्हिडीओ कॉलिंगसाठी ह्यात ३२ मेगापिक्सलचा सेल्फी कॅमेरा देण्यात आला आहे. फोनमध्ये ४,३०० एमएएचची बॅटरी देण्यात आली आहे, जी ४४ वॉट फास्ट चार्जिंगला सपोर्ट करते.