नीट पीजी प्रवेशाबाबत फसव्या बातम्या व्हायरल; विद्यार्थ्यानी सावधगिरी बाळगण्याचे एमसीसीचे आवाहन

NEET PG Fake Notice: वैद्यकीय समुपदेशन समितीने (MCC) डॉक्टर ऑफ मेडिसिन (MD), मास्टर ऑफ सर्जरी (MS), डिप्लोमेट ऑफ नॅशनल बोर्ड (DNB) आणि मास्टर ऑफ डेंटल सर्जरी (MDS) अभ्यासक्रमांसाठी बनावट प्रवेश अर्जांबाबत सावधगिरी बाळगण्याच्या सूचना जाहीर करण्यात आल्या आहेत. व्हायरल होणारा बनावट फॉर्मच्या माध्यमातून राज्य कोट्याअंतर्गत नोंदणी आणि पेमेंटद्वारे जागा वाटप करण्याचा दावा करण्यात येत आहे. त्यामुळे उमेदवारही चिंतेत आहेत. मात्र, आता समितीनेच या संपूर्ण प्रकरणाची सत्यता सांगितली आहे. ऑनलाइन प्रसारित केलेला फॉर्म बनावट असल्याचे एमसीसीने म्हटले आहे. त्यामुळे, उमेदवारांनी यावर विश्वास ठेवू नये असे आवाहन करण्यात आले आहे.

एमडी / एमएस / डीएनबी / एमडीएस अभ्यासक्रमांसाठी ५० टक्के सरकारी जागा कोट्यासाठी ‘अर्ज-कम-प्रवेश फॉर्म’ नोंदणीकृत कोटा प्रसारित केला असून, नामनिर्देशित / राज्य कोट्याअंतर्गत फी भरून नोंदणीच्या आधारे जागा वाटप केले जाणार असल्याचा दावा करण्यात आला आहे. मात्र, MCCने अशी कोणतीही अधिसूचना प्रसिद्ध केली नसल्यामुळे उमेदवारांनी अशा नोटिसांपासून सावध राहण्याचा सल्ला दिला आहे.

(वाचा : NEET SS 2023 Result: नीट एसएस २०२३ परीक्षेचा निकाल जाहीर; या लिंकवरून डाउनलोड करा रिझल्ट)

शिवाय, अशा बनावट वेबसाईट्सबाबत उमेदवारांनी सजग राहून त्यांच्यावर कारवाईसाठी माहिती द्यावी, अशा सूचनाही समितीच्या वतीने करण्यात आली आहे. एमडी, एमएस आणि इतर अभ्यासक्रमांच्या प्रवेशासाठी दरवर्षी एनईईटी पीजी परीक्षा घेतली जाते. या परीक्षेला मोठ्या संख्येने उमेदवार बसतात. ही परीक्षा दरवर्षी देशातील विविध परीक्षा केंद्रांवर घेतली जाते.

यावेळी NEET PG प्रवेशांतर्गत अनेक जागा रिक्त राहिल्या. त्यानंतर आरोग्य मंत्रालयाच्या आदेशानंतर महापालिकेने टक्केवारी शून्यावर आणली होती. सध्या केंद्रीय आणि राज्य कोट्याअंतर्गत NEET PG समुपदेशन केले जात आहे. त्याच वेळी, NEET UG-PG 2024 चे वेळापत्रक देखील NTA ने जारी केले आहे.

(वाचा : National Testing Agency ने जाहीर केले २०२४ मधील परीक्षांचे वेळापत्रक, यादिवशी होणार CUET, NEET, JEE आणि UGC परीक्षा)