सीआयएसएफमध्ये हेड कॉन्स्टेबल पदासाठी भरती, अशा प्रकारे अर्ज करा

CISF Head Constable Recruitment 2023: केंद्रीय औद्योगिक सुरक्षा दल, CISF ने ३० ऑक्टोबर २०२३ रोजी हेड कॉन्स्टेबल जीडी पदांसाठी नोंदणी प्रक्रिया सुरू केली आहे. या भरतीमध्ये अर्ज करण्यास इच्छुक आणि पात्र उमेदवार अधिकृत वेबसाइट cisfrectt.cisf.gov.in द्वारे अर्ज करू शकतात. अर्ज करण्याच्या पायर्‍यांविषयी अधिक माहिती अधिकृत वेबसाइटवर देण्यात आली आहे.

अधिसूचनेनुसार, गुणवंत खेळाडू आणि महिला २८ नोव्हेंबर २०२३ पर्यंत २१५ पदांसाठी अर्ज करू शकतात. उमेदवारांनी क्रीडा, खेळ आणि ऍथलेटिक्समध्ये राज्य / राष्ट्रीय / आंतरराष्ट्रीय प्रतिनिधित्व असलेल्या मान्यताप्राप्त शैक्षणिक संस्थेतून १२ वी उत्तीर्ण असणे आवश्यक आहे. तसेच, उमेदवारांची वयोमर्यादा १८ ते २३ वर्षांच्या दरम्यान असावी.

(वाचा : Success Story IPS Meera Borwankar: ‘लेडी सिंघम’ मीरा बोरवणकर यांच्या शिक्षणाने तुम्हीही जाल भारावून, असा आहे प्रवास)

अर्ज शुल्काविषयी :

UR, OBC आणि EWS श्रेणीतील उमेदवारांसाठी अर्जाची फी 100 रुपये आहे. तर महिला उमेदवार आणि अनुसूचित जाती आणि अनुसूचित जमाती प्रवर्गातील उमेदवारांना अर्ज शुल्क भरण्यापासून सूट देण्यात आली आहे. अधिकृत वेबसाइटला भेट देऊन उमेदवार अधिक माहिती तपासू शकतात. अर्जाची पायरी अधिकृत वेबसाइटवर दिली जाईल.

CISF हेड कॉन्स्टेबल २०२३ भरतीसाठी असा करा अर्ज :

– सर्वप्रथम CISF च्या अधिकृत वेबसाइट sisfrectt.cisf.gov.in वर जा.
– होम पेजवर उपलब्ध लॉगिन लिंकवर क्लिक करा.
– एक नवीन पृष्ठ उघडेल जिथे उमेदवारांना CISF हेड कॉन्स्टेबल (GD) भरती २०२३ लिंकवर क्लिक करावे लागेल.
– स्वतःची नोंदणी करा आणि खात्यात लॉग इन करा.
– नोंदणी पूर्ण झाल्यानंतर, अर्ज भरा आणि अर्ज फी भरा.
– सबमिट वर क्लिक करा आणि पृष्ठ डाउनलोड करा.
– पुढील गरजेसाठी त्याची हार्ड कॉपी तुमच्याकडे ठेवा.

उमेदवारांना नियोजित तारखेपर्यंत त्यांचे अर्ज सबमिट करण्यास सूचित केले जाते. कारण त्यानंतर कोणत्याही उमेदवाराचा फॉर्म स्वीकारला जाणार नाही. अशा परिस्थितीत, उमेदवारांना सूचना वाचल्यानंतरच अर्ज करण्याचा सल्ला देण्यात आला आहे. कारण अपूर्ण माहितीने भरलेला फॉर्म स्वीकारला जाणार नाही.

(वाचा : CUET 2024 Updates: पुढील वर्षापासून CUET मध्ये मोठे बदल होणार, विषय निवडीच्या संख्येवर मर्यादा येणार; काय आहे नवीन निर्णय)