रणबीर कपूर , बॉबी देओलची क्रेझ; अॅनिमलनं दुसऱ्याच दिवशी केला बजेटचा आकडा पार

मुंबई: अभिनेता रणबीर कपूर याचा अॅनिमल सिनेमानुकताच प्रदर्शित झाला. या सिनेमानं दोनच दिवसात जोरदार कमाई केली आहे. यासिनेमानं प्रदर्शित झाल्यानंतर पहिल्या दिवशी १०० कोटींच्यावर कमाई केली आहे. तर सिनेमानं दोनच दिवसांत बजेटचा आकडा पार केला आहे.

काही रिपोर्ट्स नुसार रणबीरच्या या सिनेमाचं बजेट हे १०० कोटींच्या जवळपास आहे. या सिनेमाचं पहिल्या दिवशीचं वर्ल्डवाइड कलेक्शन हे ११६ कोटीं इतकं होतं. त्यामुळं सिनेमानं पहिल्याच दिवशी बजेटचा आकडा पार केलाय. तसंच ट्रेड अॅनालिस्ट रमेश बाला यांनी या सिनेमाच्या दोन दिवसांच्या कमाईचे आकडेही शेअर केले आहेत. या सिनेमानं दोन दिवसात तब्बल २३० कोटींची अशी दमदार कमाई केली आहे.
रणबीरच्या ‘अ‍ॅनिमल’ चे यश आणि राहाचे पहिले पाऊल, आलियाचा आनंद द्विगुणित, शेअर केली खास पोस्ट
अॅनिमल हा सिनेमा संदीप रेड्डी वांगा यांनी दिग्दर्शित केला आहे. यापूर्वी त्यांनी दिग्दर्शित केलेला कबीर सिंग हा सिनेमाही प्रचंड गाजला होता. रणबीरसोबत या सिनेमात रश्मीका मंदाना, अनिल कपूर यांच्या भूमिका आहेत. तसंच अभिनेता बॉबी देओलही या सिनेमात खास भूमिकेत आहे. या सिनेमाबद्दल प्रेक्षकांमध्ये प्रचंड उत्सुकता होती आणि आहे. रणबीर कपूरचा लुक आणि बॉबी देओलचा अभिनय पाहून प्रेक्षकांनी कौतुक केलंय. या दोघांचंही समीक्षक तसंच प्रेक्षकांनी कौतुक केलं आहे.

सुमारे ३ तास २१ मिनिटांचा हा चित्रपट देशभरातील सुमारे ४००० स्क्रीन्सवर प्रदर्शित झाला असून चित्रपटातील काही दृश्यांमुळे सिनेमाला A सर्टिफिकेट देण्यात आलं आहे.

शाहिद कपूर नव्हे तर हा बॉलिवूड अभिनेता होता कबीर सिंगसाठी पहिली पसंती, पण झालं असं की…

देशभरात आहे क्रेझ
भारताच्या विविध भागात या चित्रपटाची प्रचंड क्रेझ पाहायला मिळतेय. आंध्र प्रदेशातील कुरनूलमध्ये असलेल्या सिनेमा हॉलमध्ये सकाळी ६ वाजल्यापासूनच चाहत्यांची लांबलचक रांग लागली होती. तर बऱ्याच ठिकाणी पहाटेचे शो वाढवण्यात आले आहेत.

बॉबी देओल रडला
काही वर्षांपूर्वी बॉबी देओलकडं काम नव्हतं. आता त्यानं जोरदार कमबॅक केलं आहे. त्याच्या या सिनेमातल्या भूमिकेसाठीही त्याचं प्रचंड कौतुक होताना दिसतंय. सोशल मीडियावर एक व्हिडिओ व्हायरल होतोय, या बॉबी प्रेक्षकांचं प्रेम पाहून रडताना दिसतोय.