सर्वात शक्तिशाली विवो स्मार्टफोन येत आहेत भारतात; विवो एक्स१०० सीरीज देणार का आयफोन टक्कर?

विवो एक्स१०० सीरीज गेल्या महिन्यात म्हणजे नोव्हेंबर २०२३ मध्ये चीनमध्ये लाँच करण्यात आली होती. कंपनीनं चीनमध्ये ह्या सीरिजचे Vivo X100 आणि Vivo X100 Pro स्मार्टफोन विक्रीसाठी उपलब्ध आहेत. पावरफुल स्पेसिफिकेशन्ससह येणारे हे मोबाइल फोन आता भारतात येण्यासाठी सज्ज झाले आहेत. विवो इंडियानं घोषणा केली आहे की X100 series लवकरच भारतात येणार आहे. सीरीजची लाँच डिटेल्स आणि स्मार्टफोन्सची माहिती तुम्ही पुढे वाचू शकता.

Vivo X100 series Launch Date India

विवो इंडियानं सोशल मीडिया प्लॅटफॉर्मच्या माध्यमातून घोषणा केली आहे की ब्रँडची लेटेस्ट ‘एक्स१००’ सीरीज भारतात लाँच केली जाईल. कंपनीनं लाँच डेट मात्र सांगितली नाही परंतु अशी चर्चा आहे की सीरीजमधील फ्लॅगशिप स्मार्टफोन Vivo X100 आणि Vivo X100 Pro जानेवारी २०२४ मध्ये भारतात सादर होतील तसेच ह्या महिन्यात सेलसाठी देखील उपलब्ध होतील. विशेष म्हणजे सीरीजचं प्रोडक्ट पेज कंपनी वेबसाइटवर देखील लाइव्ह झालं आहे.

Vivo X100 आणि Vivo X100 Pro स्पेसिफिकेशन्स

विवो एक्स१०० आणि एक्स१०० प्रो दोन्ही स्मार्टफोन ६.७८ इंचाच्या १.५के डिस्प्लेला सपोर्ट करतात. फोन्सची स्क्रीन अ‍ॅमोलेड पॅनलवर बनली आहे जी १२० रिफ्रेश रेट आणि २१६०हर्ट्झ पीडब्ल्यूएम डिमिंगसह इन-डिस्प्ले फिंगरप्रिंट सेन्सरला सपोर्ट करते. Vivo X100 आणि Vivo X100 Pro दोन्ही स्मार्टफोन मीडियाटेक डायमेन्सिटी ९३०० प्रोसेसरसह लाँच करण्यात आले आहेत. तसेच ग्राफिक्ससाठी इम्मोर्टलिस-जी७२० जीपीयू मिळतो.

Vivo X100 मध्ये ५०एमपी सोनी आयएमएक्स९२० व्हीसीएस बायोनिक प्रायमरी सेन्सर, ५०एमपी अल्ट्रा-वाइड-अँगल कॅमेरा आणि १००एक्स पर्यंत डिजिटल झूम असलेला ६४एमपी टेलीफोटो मॅक्रो लेन्स मिळते. तर Vivo X100 Pro ५०एमपी १-इंच सोनी आयएमएक्स९८९ व्हीसीएस बायोनिक प्रायमरी सेन्सर, ५०एमपी अल्ट्रा-वाइड-अँगल कॅमेरा आणि १००एक्स डिजिटल झूम मॅक्रो मोड असलेला ५०एमपी १/२″ एपीओ टेलीफोटो कॅमेऱ्याला सपोर्ट करतो.

सेल्फी आणि व्हिडीओ कॉलिंगसाठी विवो एक्स१०० आणि एक्स१०० प्रो दोन्ही स्मार्टफोन्समध्ये ३२ मेगापिक्सलचा फ्रंट कॅमेरा देण्यात आला आहे. पावर बॅकअपसाठी विवो एक्स१०० मध्ये १२०वॉट चार्जिंग टेक्नॉलॉजीसह ५,०००एमएएचची बॅटरी देण्यात आली आहे. तर प्रो मॉडेल १००वॉट चार्जिंगसह ५,४००एमएएच बॅटरीला सपोर्ट करतो जी ५०वॉट वायरलेस चार्जिंग आणि रिवर्स वायरलेस चार्जिंगवर देखील चालते.

Source link

Vivo X100vivo x100 launchvivo x100 launch date indiavivo x100 pro+vivo x100 series launchvivo x100 series launch datevivo x100 series launch date india
Comments (0)
Add Comment