Lava Storm 5G लवकरच होईल भारतात लाँच, १५,००० रुपयांपेक्षा कमी असू शकते किंमत

मोठ्या स्मार्टफोन कंपन्यांपैकी एक Lava नं अलीकडेच भारतात एंट्री-लेव्हलचा Yuva 3 Pro लाँच केला होता. या स्मार्टफोनमध्ये Unisoc T616 चिपसेट, ५० मेगापिक्सलचा प्रायमरी कॅमेरा आणि ५,००० एमएएचची बॅटरी देण्यात आली आहे. कंपनीनं नोव्हेंबर मध्ये Lava Blaze 2 5G सादर केला होता, ज्यात MediaTek Dimensity 6020 प्रोसेसर देण्यात आला आहे. Lava आणखी एका नवीन स्मार्टफोन लाँचची तयारी करत आहे.

कंपनीनं सोशल मीडिया प्लॅटफॉर्म X वर एक पोस्टर शेयर केला आहे. ह्यात वादळाची एक इमेज आहे आणि ज्याच्या खाली लिहिण्यात आले आहे की, “कमिंग सून.” अजून एका पोस्टमध्ये Lava नं ‘तूफान’ थीमसह आकाशात वीज चमकण्याचा एक शॉर्ट व्हिडीओ शेयर केला आहे. Lava च्या वेबसाइटवर एक मायक्रोसाइटवर देखील वीज चमकण्याच्या एका इमेजसह लिहिण्यात आले आहे की, “कमिंग सून.” तर, ई-कॉमर्स साइट Amazon वर एक मायक्रोसाइटद्वारे आगामी स्मार्टफोन Lava Storm 5G असेल हे स्पष्ट झाले आहे. ह्या मायक्रोसाइटवर ह्या स्मार्टफोनच्या बॅक पॅनलचा टीजर आहे. ज्याच्या टॉपवर डावीकडे दोन सर्कुलर कॅमेरा यूनिट वर्टिकली आहेत. त्याचबरोबर एक सर्कुलर LED यूनिट देण्यात आला आहे. ह्या स्मार्टफोनच्या उजव्या बाजूस वॉल्यूम रॉकर्स आणि पावर बटन आहे.

टिप्सटर Abhishek Yadav (@yabhishekhd) नं सांगितलं आहे की हा स्मार्टफोन लवकरच लाँच केला जाईल. याची किंमत १५,००० रुपयांपेक्षा कमी असू शकते. ह्यात MediaTek Dimensity 6100+ SoC दिला जाऊ शकतो. अलीकडेच लाँच करण्यात आलेल्या Lava Blaze 2 5G च्या ४ जीबी + १२८ जीबी व्हेरिएंटची किंमत ९,२९९ रुपये, ६ जीबी + १२८ जीबी १०,९९९ रुपये आणि ८ जीबी + १२८ जीबी ११,०९९ रुपये आहे. हा स्मार्टफोन तीन कलर्स मध्ये उपलब्ध आहे.

Lava नं सप्टेंबरमध्ये Blaze 2 Pro लाँच केला होता. ह्यात ५,००० एमएएचची बॅटरी आहे जी १८ वॉट चार्जिंगला सपोर्ट करते. हा तीन कलर्स आणि ८ जीबी रॅम आणि १२८ जीबी स्टोरेजसह उपलब्ध झाला आहे. ह्याचा रॅम इनबिल्ट स्टोरेज वापरून ८ जीबी पर्यंत वाढवता येते. ह्या स्मार्टफोनची किंमत ९,९९९ रुपये आहे. हा Thunder Black, Swag Blue आणि Cool Green कलर्स मध्ये विकत घेता येईल. ह्यात प्रोसेसर म्हणून ऑक्टाकोर Unisoc T616 आहे.