अरे वाह! फक्त १२ हजारांमध्ये २५६ जीबी मेमरी असलेला फोन; POCO C65 भारतात लाँच

POCO C65 भारतात लाँच झाला आहे. हा C-सीरीजचा नवा डिव्हाइस आहे. ह्या मोबाइल फोनमध्ये मोठा एचडी प्लस डिस्प्ले देण्यात आला आहे. ह्यात फोटो क्लिक करण्यासाठी AI कॅमेरा मिळतो. तसेच, नवीन डिव्हाइसमध्ये मिड रेंजचा प्रोसेसर आणि फास्ट चार्जिंगचा सपोर्ट असणारी मोठी बॅटरी मिळते. ह्या हँडसेटची खासियत म्हणजे कंपनीनं ह्यात २५६जीबी स्टोरज असलेला मॉडेल लाँच केला आहे. इतक्या कमी बजेटमध्ये एवढी स्टोरेज मिळणं थोडं कठीणच आहे.

POCO C65 Specifications

पोको सी६५ मध्ये ६.७४ इंचाचा एचडी प्लस डिस्प्ले आहे. ह्याचे रिजोल्यूशन १,६०० x ७२० पिक्सल आणि रिफ्रेश रेट ९०हर्ट्झ आहे. ह्या फोनमध्ये मीडियाटेक हेलिओ जी८५ प्रोसेसर, आर्म माली-जी५२ जीपीयू, ८जीबी रॅम आणि १२८जीबी इंटरनल स्टोरेज देण्यात आली आहे. ह्याची इंटरनल स्टोरेज मायक्रोएसडी कार्डच्या मदतीनं वाढवता येते.

हा मोबाइल फोन अँड्रॉइड १३ वर चालतो. फोटो क्लिक करण्यासाठी POCO C65 मध्ये AI ट्रिपल रियर कॅमेरा सेटअप आहे. ह्यात ५० मेगापिक्सलचा मुख्य सेन्सर, २ मेगापिक्सलचा सेकंडरी सेन्सर आणि एक एआय लेन्स आहे. सेल्फीसाठी फोनच्या फ्रंटला ८ मेगापिक्सलचा कॅमेरा मिळतो.

POCO C65 मध्ये ५,०००एमएएचची बॅटरी देण्यात आली आहे, जी १८वॉट फास्ट चार्जिंगला सपोर्ट करते. ह्या फोनमध्ये ड्युअल सिम, वाय-फाय, जीपीएस, ग्लोनेस, ब्लूटूथ ५.१ आणि ४जी VoLTE आहे. ह्यात फेस अनलॉकसह साइड-माउंटेड फिंगरप्रिंट सेन्सर मिळतो.

POCO C65 Price in India

POCO C65 चे तीन व्हेरिएंट भारतीय बाजारात आले आहेत. ह्या फोनचा ४जीबी रॅम व १२८जीबी स्टोरेज मॉडेलची किंमत ८,४९९ रुपये आहे. तर ६जीबी रॅम व १२८ जीबी स्टोरेज मॉडेल ९,४९९ रुपये आणि ८जीबी रॅम व २५६जीबी स्टोरेज मॉडेल १०,९९९ रुपयांमध्ये खरेदी करता येईल. हा फोन ब्लॅक आणि ब्लू कलर ऑप्शनमध्ये आला आहे. ह्यावर १ हजारांचा डिस्काउंट मिळतो, ह्या फोनची विक्री १८ डिसेंबर पासून फ्लिपकार्टवर सुरु होईल.