Apple iPhone युजर्ससाठी iOS चं नवीन व्हर्जन येत आहे. ह्यात Stolen Device Protection मिळेल, जे आयफोनवर सेकंडरी सिक्योरिटी लेयर प्रमाणे काम करेल. त्यामुळे चोर, आयफोन चोरी केल्यानंतर सहज अनलॉक करू शकणार नाहीत आणि जर त्यांनी पासकोडनं फोन अनलॉक केला तरी फोनमधील महत्वाचा डेटा बदलू शकणार नाहीत.
iPhone चोरी होण्यापासून सुरक्षित राहण्यासाठी आणि आवश्यक डेटा सेफ ठेवण्यासाठी आगामी फीचर आपोआप ऑन होईल. हँडसेट जेव्हा एखाद्या अश्या लोकेशनवर जाईल जिथे नेहमी जात नाही तिथे हे फीचर ऑटोमॅटिक ऑन होईल. त्यानंतर युजर्सना डिवाइस वापरण्यासाठी ऑथेंटिकेट करावं लागेल. ऑथेंटिकेशनसाठी पासकोड आणि Face ID चा वापर करावा लागेल. Apple ID चेंज करण्यासाठी किंवा Factory Reset करण्यासाठी पासकोड आणि Face ID चा वापर करावा लागेल.
सिक्योरिटी फीचर मध्ये बदल
नवीन लोकेशनवर एकदा फेस आथेंटिकेशन फेल झालं तर पुन्हा फेस ऑथेंटिकेशनचा ऑप्शन एक तासांनी ओपन होईल. Apple चे अधिकारी स्टॉक रॅडक्लिफफ ह्यांनी iPhone च्या सिक्योरिटीवर फोकस करत म्हटलं आहे की त्यांच्या डेटा इनक्रिप्शननं इंडस्ट्री स्टँडर्ड सेट केले आहेत.
चोर पासकोडविना तो फोन डेटा अ‍ॅक्सेस करू शकणार नाही. जर गुपचूप पासकोड पाहता जरी आलं तरी त्यानंतर डेटा अ‍ॅक्सेस करणं त्यांच्यासाठी कठीण होईल. डिव्हाइसमध्ये एक अ‍ॅडव्हान्स लेयर असेल, जी डेटा अ‍ॅक्सेस करू देणार नाही.
iOS 17.3 मध्ये मिळेल हे खास फीचर
सध्या हे फीचर iOS 17.3 च्या बीटा व्हर्जनमध्ये आहे आणि येत्या आठवड्यात हे स्टेबल व्हर्जनमध्ये जारी केलं जाईल. Stolen Device Mode ऑन करणं सोपं आहे, ह्यासाठी Face ID and Passcode मध्ये जावं लागेल, तिथे Stolen Device Protection इनेबल करावं लागेल.