सोशल मीडिया प्‍लेटफॉर्म एक्‍सवर एका पोस्‍टमध्ये टेक्नो इंडियानं Tecno Pop 8 चा इंडिया लाँच टीज केला आहे. एका प्रमोशनल व्हिडीओच्या माध्यमातून सांगण्यात आलं आहे की नवीन टेक्नो फोन लवकरच भारतात येत आहे.
यावर्षीच्या सुरुवातीला टिपस्टर पारसनं दावा केला होता की टेक्नो पॉप ८ के इंडियन व्हर्जन मध्ये ग्लोबल मॉडेल प्रमाणेच प्रोसेसर, कॅमेरा आणि ओएस असेल. पारसनं असं देखील म्हटलं होतं की भारतात या फोनची किंमत ६,९९९ रुपयांपेक्षा कमी असेल. ९१मोबाइल्सच्या एका रिपोर्टमध्ये Tecno Pop 8 ची एक लाइव्ह इमेज शेयर करण्यात आली आहे. ह्या इमेज मध्ये फोनचा AnTuTu स्कोर दिसत आहे. २,४०,२०५ च्या स्कोरसह हा सेगमेंट मधील सर्वात फास्‍ट स्‍मार्टफोन असू शकतो. ह्या लीकमध्ये फोनच्या कोणत्याही इतर फीचर्सचा खुलासा करण्यात आला नाही.
Tecno Pop 8 specifications
ग्लोबल मार्केटमध्ये मधील Tecno Pop 8 मध्ये ६.६ इंचाचा HD+ LCD डिस्‍प्‍ले देण्यात आला आहे. डिस्‍प्‍ले मध्ये ९० हर्टझचा रिफ्रेश रेट आहे. हा फोन Android T-Go एडिशन वर चालतो. फोनमध्ये Unisoc T606 प्रोसेसर देण्यात आला आहे, सोबत 4GB पर्यंत रॅम आणि 128GB पर्यंत ऑनबोर्ड स्टोरेज आहे. एसडी कार्ड वापरून स्टोरेज 1TB पर्यंत वाढवता येते.
फोनमध्ये ड्युअल रियर कॅमेरा सिस्टम आहे. मुख्य सेन्सर १३ मेगापिक्सलचा आहे. सेकंडरी सेन्सरची माहिती उपलब्ध नाही. फ्रंट कॅमेरा ८-मेगापिक्सलचा आहे. टेक्नो पॉप ८ च्या ग्लोबल व्हेरिएंटमध्ये ५,००० एमएएचची बॅटरी आहे. जी १०वॉट वायर्ड चार्जिंगला सपोर्ट करते. हा फोन जीपीएस, वाय-फाय, एफएम रेडियो, ब्लूटूथ, ओटीजी आणि यूएसबी टाइप-सी ऑप्शन सह येतो.