मंगळ केतूची तूळ राशीत युती; ‘या’ ५ राशींची ऑक्टोबरमध्ये वाढेल कमाई, पूर्ण होतील सर्व स्वप्ने

सिंह राशीवर मंगळ-केतू संयोगाचा प्रभाव

सिंह राशीच्या लोकांसाठी तिसऱ्या स्थानी मंगळ आणि केतूचा संयोग होणार आहे. या राशीच्या शुभ प्रभावामुळे या राशीच्या लोकांमध्ये मोठे निर्णय घेण्याची हिम्मत वाढेल आणि हे निर्णय त्यांच्यासाठी फायदेशीर देखील ठरतील. तुम्ही पूर्वी केलेल्या गुंतवणुकीतून चांगला परतावा मिळण्याची हीच वेळ आहे. ज्यांचा व्यवसाय परदेशात आहे त्यांच्यासाठी ही युती फायदेशीर ठरेल. तुमचे संवाद कौशल्य सुधारेल आणि तुम्हाला तुमच्या करिअरमध्ये उत्तम संधी मिळू शकतात. तुमचे दैनंदिन उत्पन्नही वाढेल.

कन्या राशीवर मंगळ-केतू संयोगाचा प्रभाव

कन्या राशीच्या लोकांना मंगळ आणि केतूच्या संयोगातून अनपेक्षित लाभ मिळण्याची शक्यता आहे. आर्थिक बाबी सुधारतील आणि तुमच्या योजना यशस्वी होतील. तुमच्या आर्थिक योजनांमधील ग्रहांच्या शुभ बाजूचा तुम्हाला फायदा होईल आणि तुम्ही अफाट संपत्तीचे मालक व्हाल. हे संक्रमण माध्यम आणि इतर सर्जनशील व्यवसायांशी संबंधित असलेल्यांसाठी उत्कृष्ट परिणाम देणारे सिद्ध होईल.

धनु राशीवर मंगळ-केतू संयोगाचा प्रभाव

धनु राशीच्या लोकांना मंगळ-केतूच्या युतीमुळे मोठा आर्थिक लाभ होण्याची शक्यता आहे. तुम्हाला परदेशातून पैसा मिळू शकेल आणि शेअर बाजाराशी संबंधित बाबींमध्ये यश मिळेल. तुम्ही चांगल्या ठिकाणी पैसे गुंतवू शकाल. भौतिक सुखसोयी मिळविण्याची तुमची इच्छा वाढेल. तुम्हाला मोठा भाऊ, काका आणि कुटुंबातील पुरुष मित्रांकडूनही सहकार्य मिळेल. आर्थिक बचत करण्यातही तुम्ही यशस्वी व्हाल. कुटुंबाबद्दल तुमचा दृष्टीकोन खूप सकारात्मक असेल. तुमच्या गोड बोलण्याने तुम्हाला फायदा होईल आणि तुम्ही व्यापारी असाल तर तुम्हाला एखादी मोठी निविदा किंवा ऑर्डर मिळू शकते. तुम्ही विद्यार्थी असाल आणि स्पर्धा परीक्षेची तयारी करत असाल तर तुम्हाला यश मिळण्याची शक्यता जास्त आहे. कोणत्याही कायदेशीर प्रकरणाचा निर्णय तुमच्या बाजूने येण्याची शक्यता आहे.

मकर राशीवर मंगळ-केतू संयोगाचा प्रभाव

मकर राशीच्या लोकांच्या दहाव्या स्थानी मंगळ आणि केतूचा युती होणार आहे. या संयोगामुळे तुमच्या करिअरसाठी नवीन मार्ग उघडू शकते. जर तुम्ही बर्‍याच दिवसांपासून नोकरी बदलण्याचा विचार करत असाल तर यावेळी तुम्हाला अनेक उत्तम संधी मिळू शकतात. जे तुमच्या करिअरमध्ये इच्छित बदल घडवून आणू शकतात. कुटुंबात वडील आणि पती यांचे पूर्ण सहकार्य मिळेल. यावेळी उद्योगाशी संबंधित असलेल्यांना अनेक आकर्षक सौदे आणि उत्तम संधी उपलब्ध होऊ शकतात. यावेळी तुम्ही नवीन मालमत्ता किंवा नवीन वाहन खरेदी करू शकता. कुटुंबातील सदस्यांशी तुमचे संबंध पूर्वीपेक्षा चांगले होतील.

कुंभ राशीवर मंगळ-केतू संयोगाचा प्रभाव

मंगळ आणि केतूचा हा संयोग कुंभ राशीच्या लोकांसाठी उत्कृष्ट परिणाम देणारा मानला जातो. धार्मिक कार्याकडे तुमचा कल वाढेल आणि देवाच्या कृपेने तुमच्या जीवनात सुख-समृद्धी वाढेल. उच्च शिक्षण घेणार्‍या लोकांसाठी ही चांगली वेळ असेल. तुमच्या मेहनतीचे फळ तुम्हाला यशाच्या रूपाने मिळेल. काही विद्यार्थ्यांना नवीन उत्साहवर्धक नोकर्‍या मिळाल्याने त्यांचे भविष्य चांगले असेल. तुमचा खर्च प्रचंड वाढला असला तरी तुमचे उत्पन्नही लक्षणीय वाढेल. परदेशात कुठेतरी फिरायला जाण्याची संधी मिळू शकते. तुमच्या व्यावसायिक जीवनात होणारे बदल तुमच्या बाजूने असतील. कौटुंबिक सदस्यांसोबत तुमचे संबंध पूर्वीपेक्षा अधिक घट्ट होतील.