मृत्यू झालेला युवक आणि त्याचे चार मित्र पगार झाला म्हणून दारूची पार्टी करीत होते त्यावेळी ही दुर्दैवी घटना घडली. २० डिसेंबरला सायंकाळी उशिरा हा सगळा धक्कादायक प्रकार घडला. पार्टी सुरू असताना अचानक शंभू टेबलावर आडवा झाला त्याला अस्वस्थ वाटू लागले. त्यानंतर त्याच्या मित्रांनी त्याला तात्काळ अर्धा किलोमीटर अंतरावर असलेल्या महाड एमआयडीसीतील एम. एम. ए. हॉस्पिटलमध्ये दाखल केले. परंतु रुग्णालयामध्ये दाखल करण्यापूर्वीच या तरुण कामगाराचा मृत्यू झाला होता. डॉक्टरांनी तरुणाला तपासून त्याला मृत घोषित केले.
अचानक मृत्यू झाल्यामुळे पोलिसांना देखील मृत्यूचे कारण अद्याप समजू शकलेले नाही. मयत कामगार हा नडगाव ग्रामपंचायतचे माजी सरपंच संजय देशमुख यांच्या कॉन्ट्रॅक्टमध्ये महाड एमआयडीसीतील सुदर्शन केमिकल कंपनीमध्ये काम करीत होता. सदर मृतदेह महाशक्ती असोसिएशन ॲम्बुलन्स मध्ये बिरवाडी प्राथमिक आरोग्य केंद्र येथे शवविच्छेदनाकरिता पाठविण्यात आला असून महाड एमआयडीसी पोलिस ठाणे येथे सदरच्या मृत्यूची अकस्मित मृत्यू अशी नोंद करण्यात आली आहे.
शंभू डीगर याचा मृतदेह त्याचा महाड परिसरातच वास्तव्यास असलेला सख्खा भाऊ त्याच्या मूळ गावी पश्चिम बंगाल येथे घेऊन गेला आहे. पश्चिम बंगाल येथे शंभूचे आई-वडील आणि अन्य नातेवाईक राहतात. तिकडेच त्याच्यावरती अंत्यसंस्कार करण्यात येणार आहेत, अशी माहिती पोलिस सूत्रांनी दिली. या संपूर्ण घटनेचा अधिक तपास सहाय्यक पोलिस निरीक्षक सुर्वे आणि पोलिस उपनिरीक्षक जगदीश गायकवाड यांच्या मार्गदर्शनाखाली पोलिस हवलदार सिद्धेश मोरे हे करीत आहेत.
Read Latest Maharashtra News And Marathi News