धनू राशीसाठी २०२४ हे वर्ष ऊन-सावलीसारखे असणार आहे. या वर्षी सुरुवातीला धनू राशीचे स्वामी मेष राशीतून नवव्या स्थानातून धनू राशीकडे पाहात आहेत, त्यामुळे हा कालावधी फलदायी असेल. या काळात करिअरमध्ये प्रगतीची संधी तुम्हाला मिळेल. तर शनी पूर्ण वर्ष तिसऱ्या स्थानी गोचर करत आहे, त्यामुळे शिक्षण, प्रेमजीवन, आर्थिक बाबींवर अनुकूल प्रभाव राहील. पण राहू, केतूचे गोचर चतुर्थ आणि दशम स्थानी असणे ठिकठाक फल देईल.परंतु मे महिन्यापासून गुरू तुमच्या राशीत सहाव्या स्थानी वृषभ राशीत येऊन गोचर करत आहे, जो तुमच्या विरोधात जाईल. चला सविस्तर जाणून घेऊया धनू राशीचे वार्षिक राशिभविष्य.
धनू राशीचे २०२४ साठीचे करिअरबद्दलचे राशीभविष्य
२०२४ हे वर्ष धनू राशीच्या करिअर, व्यवसाय, नोकरी आणि आर्थिक स्थिती यांचा अभ्यास केल्यानंतर समजते की तुमच्या राशीत तिसऱ्या स्थानी असलेला शनी तुमचा प्रभाव आणि पराक्रम वाढवेल आणि करिअरमध्ये प्रगतीसाठी मदत करेल. नोकरीच्या नव्या संधी येतील आणि नोकरीत बदल होण्याची शक्यता दिसते. कार्यालयात ताळमेळची समस्या निर्माण होईल, पण ती तुम्ही तुमच्या पद्धतीने सोडवू शकाल. जे लोक तांत्रिक आणि राजकीय क्षेत्रात नशिब आजमावू इच्छितात, किंवा याच क्षेत्रात आहेत, त्यांना विशेष यश मिळेल. जे लोक नोकरी आणि स्पर्धा परीक्षांत भाग घेत आहेत, त्यांना पहिले चार महिने विशेष लाभकारक राहतील. व्यवसायाचा विचार केला तर या वर्षी कमाई चांगली राहील. व्यवसायात विस्ताराची योजना यशस्वी होईल. काही संघटनात्मक आणि तांत्रिक समस्या निर्माण होतील, त्याला तुम्हाला धैर्याने मार्ग काढावा लागेल. ग्रहदशा लक्षात घेता स्थावर मालमत्तेशी संबंधित वाद होऊ शकतात. स्थावर मालमत्तेसंबंधी व्यवहार करत असाल तर काळजी बाळगा.
धनू राशीचे २०२४चे प्रेम आणि कुटुंबासंबंधी राशीभविष्य
प्रेमजीवन आणि कौटुंबिक पातळीवर धनू राशीच्या व्यक्तींसाठी २०२४ हे वर्ष आशेचा नवा किरण घेऊन येईल. ज्यांना मूल व्हावे असे वाटते त्यांना संततीसुखाचा आशीर्वाद लाभेल. कौटुंबिक जीवनात प्रेम आणि आपापसांतीस सुसंवाद टिकून राहील. पण मे महिन्यापासून तुम्हाला प्रेमजीवन आणि कुटुंबिक जीवन यात संयम बाळगावा लागेल, नात्यांत तणाव निर्माण होण्याची शक्यता आहे. ग्रहदशा हेही सांगते की तुमच्या घरी यावर्षी शुभकार्याचे आयोजन होईल. विवाहाची बोलणी सुरू असतील तर या वर्षी लग्नाचे योगे आहेत. प्रेमसंबंधाचे लग्नात रूपांतर होण्याचेही प्रबळ संकेत आहेत.
धनू राशीचे २०२४ चे आरोग्यविषयक राशीभविष्य :
आरोग्याच्या दृष्टीने विचार केल तर २०२४ हे वर्ष धनू राशीसाठी अनुकूल आहे. वर्षाच्या सुरुवातीला गुरू पंचमस्थानी आहे, आणि त्यामुळे आरोग्यासाठी अनुकूल स्थिती असेल. मे २०२४ मध्ये स्थिती थोडी प्रतिकूल होऊ शकते. अशा वेळी हृदय रोग, पोटासंबंधी आजार आणि मधुमेहसंबंधी विकारांचा सामना करावा लागेल.
धनू राशीसाठी २०२४च्या उपाययोजना
श्रीराम रक्षा स्तोत्राचे नियमित पठण करा. रुद्राक्ष धारण करण्याची इच्छा असेल तर आठमुखी रुद्राक्ष तुम्हाला लाभदायक ठरेल.