राष्ट्रवादीत दोन गट निर्माण झाल्यानंतर शरद पवार गट आणि अजित पवार गट पडले. त्यात अजित पवार यांनी आता लोकसभेची निवडणुकीच्या पार्श्वभूमीवर मतदारसंघात लक्ष घालण्यास सुरुवात केली आहे. त्यात शिरूर लोकसभे संदर्भात त्यांनी खासदारांबाबत वक्तव्य केले आहे.
यावर सुनील शेळके म्हणाले की, दादांनी जे काही वक्तव्य केले आहे, ते गेली तीस ते पस्तीस वर्ष दादांचे पुण्याच्या राजकारणात आणि जडघडणीत जे योगदान आहे, आणि ज्या ठिकाणी दादा शब्द देत आहेत तो देखील जनतेच्या विश्वासावर आणि त्यांच्या ताकदीवर देण्याचे काम आजपर्यंत दादांनी केलेले आहे. शेवटी ३० ते ३५ वर्ष जनतेची १६ -१६, १८-१८ तास काम करून पुणे जिल्ह्यात जे विकासाचं काम केले आहे त्याच जोरावर दादांचे हे वक्तव्य आहे. म्हणून मला शिरूर लोकसभेबाबत सांगत असताना डॉ. अमोल कोल्हे यांच्या बाबतीत जे दादांनी वक्तव्य केले त्यावर कोल्हे यांनी साडेचार वर्षाच्या काळात यांनी देखील शिरूर मधल्या किती गावांमध्ये जाऊन नागरिकांच्या समस्या जाणून घेतल्या, त्यांना भेट दिली. आणि त्या भागातले किती प्रश्न सोडवले याचा लेखाजोखा त्यांनी मांडावा, त्यानंतर दादांनी केलेल्या वक्तव्यावर उत्तर देण्याचा प्रयत्न करावा.
मावळ लोकसभेबाबत बोलताना शेळके यांनी सांगितले की, येणाऱ्या काळात मावळ लोकसभेची जागा राष्ट्रवादी काँग्रेसला असेल आणि तो निवडून आणण्यासाठी आमचा प्रयत्न असणार असल्याचे शेळके म्हणाले आहेत.
Read Latest Maharashtra Updates And Marathi News