मकर राशीचे २०२४चे करिअरविषयक राशिभविष्य
मकर राशीसाठी हे वर्ष सर्वसाधारणपणे करिअर आणि व्यवसायात लाभ आणि प्रगती देणारे आहे. तुम्हाला या वर्षी नोकरीत बढती मिळेल. तुमचे योगदान आणि कष्ट यांची दखल घेतली जाईल. कामाच्या ठिकाणी तुमची प्रतिष्ठा वाढेल आणि वरिष्ठांशी चांगले संबंध प्रस्थापित होतील. या वर्षी व्यवसायात लाभ होईल. नवीन संपर्क प्रस्थापित होतील, ज्याचा तुम्हाला लाभ होईल. व्यवसाय विस्ताराचे नियोजन करत असाल तर यश मिळेल. पण आर्थिकबाबींत नातेवाईकांना कर्ज देणे किंवा घेणे याबाबतीत सांभाळून राहा. वडिलार्जित मालमत्तेसंबंधी तुम्हाला तणावाचा सामना करावा लागेल. विद्यार्थ्यांबद्दल बोलायचे झाले तर या वर्षी तुम्हाला स्पर्धा परीक्षांत यश येईल. विज्ञान आणि तंत्रज्ञान क्षेत्रातील व्यक्तींना हे वर्ष शुभ फळं देईल.
मकर राशीचे २०२४ साठीचे प्रेम आणि कुटुंबविषयक राशिभविष्य :
प्रेमजीवन आणि कौटुंबिक पातळीवर हे वर्ष मकर राशीसाठी सुखद असणार आहे. प्रेमजीवनात जोडीदारासोबतचे नाते अधिक दृढ बनले. वैवाहिक जीवनात जोडीदारासोबत ताळमेळ राहील. मे महिन्यात मकर राशीत गुरू पंचमस्थानी गोचर करेल. ज्यांना संततीची अपेक्षा आहे अशांची संततीसुखाची कामना मे महिन्यानंतर पूर्ण होईल. ज्यांच्या वैवाहिक जीवनात तणाव आहे, अशांच्या नात्यांत सुधारणा होईल आणि वाद दूर होतील.
मकर राशीचे २०२४चे आरोग्यविषयक राशीभविष्य
२०२४ हे वर्ष मकर राशीसाठी आरोग्याच्या दृष्टीने चांगले राहील. गुरू पंचमस्थानी गोचर करत असल्याने आरोग्याचे लाभ मिळतील. अधिक काळापासून आजारी असलेल्यांच्या प्रकृतीत सुधारणा होईल, पण त्यांना आरोग्याच्या बाबतीत काळजी घ्यावी लागेल. तुम्हाला खाण्यापिण्यावर अधिक लक्ष द्यावे लागणार आहे, अन्यथा स्थुलता आणि पोटासंबंधी त्रास होऊ शकतात. ज्या लोकांना अधिक काळापासून आजार आहेत, अशांना शल्य चिकित्सेची गरज पडू शकते.
मकर राशीसाठी २०२४मधील उपाययोजना
या वर्षी मकर राशीच्या व्यक्तींनी उपाय म्हणून शनी मंत्र ओम शं शनैश्चरायै नमः चा जप करावा. तुमच्यासाठी नऊमुखी रुद्राक्ष धारण करणे फायद्याचे ठरेल.