भररात्री धावत्या बसचा टायर फुटला, एसटी रस्त्यावरुन खाली उतरली, चालकाच्या सतर्कतेनं अनर्थ टळला

धुळे : दोंडाईचा बस स्थानकावरून लामकानी गावाला मुक्कामाला जाणाऱ्या धावत्या बसचे टायर अचानक फुटल्याने अपघाताची घटना घडली. या अपघातात बस रस्त्याच्या कडेला कठडा तोडून खाली उतरली. यामध्ये पाच महिला आणि बसचालक किरकोळ जखमी झाले आहेत.
सुदैवाने बसचालक संजय बुधा कोळी यांनी वेळीच नियंत्रण मिळविल्याने मोठा अपघात टळला. अपघातात जखमींना तत्काळ उपजिल्हा रुग्णालय येथे उपचारासाठी दाखल करण्यात आले.

याबाबत अधिक माहिती अशी, की दोंडाईचा बसस्थानकातून ३५ प्रवासी घेऊन वाडीमार्गे लामकानी येथे सायंकाळी सहाला बसस्थानकातून निघाली होती. बस मांडळ चौफुलीपासून एक किलोमीटर अंतरावर गेली आणि अचानक बसचे डाव्या बाजूकडील पुढचे टायर फुटल्याने बस रस्त्यावरून खाली उतरली. पाच फूट अंतरावरच विजेचा खांब होता. मात्र, सुदैवाने बस थांबल्याने मोठी दुर्घटना टळली.
जन्मत: अंध, बासरी वादन करत उदरनिर्वाह; रोहिदास आल्हादांच्या लढाईला पोलिसांचे बळ
घटनेची माहिती मिळताच दोंडाईचा आगारातील वाहतूक निरीक्षक जगदीश पाटील, वाहतूक नियंत्रण वसंत कोळी, नरेंद्र भाबड, व्ही. डी. जाधव, पोलिस उपनिरीक्षक शरद लेंडे आदींनी घटनास्थळी धाव घेतली.
बाजारात कापसाचा दर पडला अन् चोरट्यांनी डाव साधला, शेतकऱ्याचे हातपाय बांधून धक्कादायक कृत्य, नेमकं काय घडलं?

चालकासह पाच महिला जखमी

अपघातात जनाबाई गोविंद पाटील, वत्सलाबाई हिलाल पाटील, अरुणाबाई सुरेश पाटील (रा. मांडळ), आशाबाई विजय गोडसे, ललिताबाई संतोष चव्हाण (रा. अंजनविहीरे) या पाच महिला किरकोळ जखमी झाल्या. जखमींवर डॉ. पारूल अग्रवाल यांनी उपचार केले. बस चालकही किरकोळ जखमी झाले आहेत.

राम मंदिर उद्घाटनाच्या पार्श्वभूमीवर भाजपने काढलेले चित्र वादात? ठाकरे गटाकडून निषेध, वाचा नेमकं प्रकरणRead Latest Maharashtra News And Marathi News