मुंबईकरांची जीवनवाहिनी होतेय अधिक सुरक्षित, रेल्वे अपघाती मृत्यूंमध्ये घट, अपघातांची कारणे काय?

मुंबई : मुंबईकरांची जीवनवाहिनी असलेली मुंबई लोकलची वाटचाल सुरक्षित प्रवासाच्या दिशेने होत आहे. रेल्वेचे अपघाती मृत्यू कमी करण्यासाठी मध्य रेल्वे, पश्चिम रेल्वे, रेल्वे पोलिस, रेल्वे सुरक्षा बल, मुंबई रेल्वे विकास महामंडळ यंत्रणांनी समन्वय साधला. परिणामी गेल्या वर्षीच्या तुलनेत यंदा रेल्वे अपघातांत १३४ने घट झाली. मात्र रुळांवरील शून्य मृत्यूचे ध्येय गाठण्यासाठी यंत्रणांना सातत्य दाखवणे गरजेचे आहे. नोव्हेंबरअखेर रेल्वेरुळांवर रोज सरासरी सात प्रवाशांनी रेल्वे अपघातांत प्राण गमावला आहे.

अपघातांची कारणे

– रेल्वेरूळ ओलांडणे, धावत्या लोकलमधून पडणे, रुळांलगतच्या खांबाचा धक्का लागणे, आत्महत्या आणि विजेचा धक्का लागणे, रेल्वे स्थानकांवर आजारपणांमुळे मृत्यू

सन २०२२मध्ये मुंबई रेल्वेवरील अपघात

मृत्यू – २५०७ (पुरुष – २२४९, महिला – २५८)

जखमी – २१५५ ( पुरुष – १६५९, महिला – ९६)

सन २०२३मध्ये मुंबई रेल्वेवरील अपघात

मृत्यू – २३७३ ( पुरुष – २१४६, महिला – २२७)

जखमी – २२०३ (पुरुष – १७१३, महिला – ४९०)

मध्य रेल्वे (मुख्य, हार्बर-ट्रान्सहार्बरसह)

पोलिस ठाणे -२०२३* मृत्यू – जखमी – २०२२ मृत्यू- जखमी

सीएसएमटी – १०२-१०९ -११६ – ७९

दादर – ९९- १२८ – १०७- ९२

कुर्ला – २३६ – १५१ – २३३- १४२

ठाणे – २९० – ११७ – २७५ – १३१

डोंबिवली – ११७ – १०९ – १५२ – ७९

कल्याण – २९६ – २९२ – ३३४ – २७२

कर्जत – ५९ – ११० – ५३ – ७६

वडाळा – १०७ – १३४ – १०९ -११६

वाशी – १४० – ११४ -१३९ – ९४

पनवेल – ६७ – ५८ – ६७ -७२

एकूण – १५१३ – १३२२ – १५८५ – ११५३

जनधन योजनेची तब्बल १० कोटी खाती बंद, या खात्यांमध्ये १२ हजार कोटींची रक्कम, हे पैसे कसे काढता येणार?

पश्चिम रेल्वे

पोलिस ठाणे – २०२३* मृत्यू – जखमी – २०२२ मृत्यू- जखमी

चर्चगेट – ३२ – १३५ – ३६ – ११२

मुंबई सेंट्रल – १०२ – ९७ – ११२ – १६२

वांद्रे – ८१ – ९० – ९९ – ६६

अंधेरी – ८४ – ८६ – ७७ – ७४

बोरिवली – २३० – २१४ – २४० – ३८२

वसई – २०४ – १६७ – २३६ – १४७

विरार – १२७ – ९२ – १२२ – ५९

एकूण – ८६० – ८८१ – ९२२ – १००२

आकडेवारी २०२२ – १ जानेवारी ते ३१ डिसेंबर आणि २०२३ – १ जानेवारी ते ३० नोव्हेंबर या कालावधीतील आहे.

(स्रोत – मुंबई लोहमार्ग पोलिस)

रेल्वे स्थानकांमध्ये रूळ ओलांडले जातात, अशा ३६ ठिकाणी एमयूटीपी-३अंतर्गत कामे सुरू आहेत. १६ पादचारी पूल उभारण्यात आले असून १० ठिकाणी कामे सुरू आहेत. रुळांलगत भिंत उभारून रूळ ओलांडण्यावर आळा घालण्यात येणार आहे.

– सुनील उदासी, जनसंपर्क अधिकारी, मुंबई रेल्वे विकास महामंडळ

मुलाच्या अंगात स्वामींचा अवतार म्हणत आई-वडीलांनी दरबार भरवला; ‘अनिस’ कडून पर्दाफाश करत भोंदूगिरी आणि समोर

रेल्वे स्थानकात लिफ्ट, सरकते जिने मोठ्या प्रमाणात उभारण्यात येत आहेत. यामुळे रूळ ओलांडण्यापेक्षा प्रवाशांचा सुविधा वापरण्यावर भर आहे. फलाटांच्या टोकाला ग्रीस आणि बॅरिकेड्स उभारून रूळ ओलांडण्यावर आळा घालण्यात येत आहे.

– डॉ. शिवराज मानसपुरे, मुख्य जनसंपर्क अधिकारी, मध्य रेल्वे

मिशन शून्य मृत्यू गाठण्यासाठी सर्व स्थानकांत लिफ्ट, सरकते जिने उभारण्यात येत आहेत. रुळांलगत भिंत उभारून चोरवाटा बंद करण्यात येत आहे. सर्वच माध्यमांच्या मदतीने जागरुकता करून मृत्यू कमी करण्याचा प्रयत्न कायम आहे.

– सुमीत ठाकूर, मुख्य जनसंपर्क अधिकारी, पश्चिम रेल्वे

रेल्वे स्थानक-रुळांवरील अपघात व पर्यायाने मृत्यूंची संख्या कमी करण्याचा विविध स्तरांवर प्रयत्न केला आहे. पोलिसांनी प्राण धोक्यात घालून अनेकांचे जीव वाचवले. जखमींना वेळेत उपचार दिल्याने जीव वाचवले.

– डॉ. रवींद्र शिसवे, आयुक्त , मुंबई लोहमार्ग पोलिस