नाट्य संमेलनाच शंभराव वर्ष
अखिल भारतीय नाट्य संमेलना तर्फे विभागीय नाट्य संमेलन राज्यात विविध ठिकाणी संपन्न होणार आहे. यंदा सोलापुरात विभागीय नाट्य संमेलनाचा शंभरावे वर्ष आहे. महाराष्ट्र राज्यात एकूण सहा ठिकाणी विभागीय नाट्य संमेलन आयोजित केले जाणार आहे. सोलापूरच्या कार्यक्रमाला स्वागताध्यक्ष म्हणून पालकमंत्री चंद्रकांत पाटील यांच्यावर जबाबदारी देण्यात आली आहे.सोलापुरातील नॉर्थकोर्ट मैदानावर विभागीय नाट्य संमेलन २६ ते २८ जानेवारी रोजी संपन्न होणार आहे.गुरुवारी सकाळी नाट्य संमेलनाच्या कार्यालयाचे उदघाटन पालकमंत्री चंद्रकांत पाटील यांच्या हस्ते झाले.
मी सुद्धा अमिताभ बच्चनचा फॅन
नाट्य संमेलनाच्या कार्यक्रमाच्या आयोजकांनी गुरुवारी सकाळी पालकमंत्री चंद्रकांत पाटील यांच्या समोर प्रमुख मागणी ठेवली. अखिल भारतीय नाट्य संमेलनाला प्रसिद्ध सिने अभिनेते अमिताभ बच्चन यांना प्रमुख पाहुणे म्हणून बोलावण्यात यावे. यावर चंद्रकांत पाटील यांनी प्रयत्न करू असे उत्तर देत, मी सुद्धा अमिताभ बच्चन यांचा फॅन आहे. माझा थेट संपर्क कधी झाला नाही, प्रयत्न करू असे उत्तर दिले.