मुंबईतील मातोश्री या निवासस्थानी जाऊन संजोग वाघेरे यांनी शिवसेना पक्ष प्रमुख उद्धव ठाकरे यांच्या उपस्थितीत हा प्रवेश केला आहे. यावेळी वाघेरे भावनिक झाल्याचे पाहायला मिळाले.
यावेळी उद्धव ठाकरे म्हणाले की, मला आता भाउक आणि घाऊक यातला फरक समजायाला लागला आहे. जे भावनेला किंमत देतात ज्यांच्यात संवेदना आहेत ते आज शिवसनेसोबत आहेत. मावळ लोकसभा जेव्हापासून निर्माण झाला तेव्हापासून शिवसेना तिथे जिंकत आली आहे. तेव्हा बाबर होते. आता मी शब्द दिला होता म्हणू जे आज गद्दार झालेत ते खासदार झालेत. मात्र त्यांनी गद्दारी केली. गद्दारी आणि स्वाभिमानी यातलं फरक म्हंजे संजोग आणि त्या गद्दारांमध्ये आहे.
यावेळी भावना व्यक्त करताना संजोग वाघेरे म्हणाले की, माझ्या सारख्या सर्व सामान्य कार्यकर्त्याला आपण पक्षात प्रवेश दिला. त्याबद्दल मी उद्धव साहेबांचे आभार मानतो. मी शब्द देतो की, येत्या काळात मी पक्षाच्या प्रसारासाठी मी प्रयत्न करीन. लोकांच्या सेवेसाठी कायम उपलब्ध असतो. हे काम पुढे घेऊन जाण्याचं काम मी करणार असल्याचे आश्वासन वाघेरे यांनी उद्धव ठाकरे यांना दिला.
संजोग वाघेरे यांच्या शिवसेनेत जाण्याने पिंपरी चिंचवडमध्ये अजित पवार यांना मोठा धक्का सहन करावा लागणार आहे. संजोग वाघेरे हे सुरुवातीपासून राष्ट्रवादीशी एकनिष्ठ होते. पवार घराण्याशी त्यांचे घरोब्याचे संबंध होते. मात्र आता पवारांचा एकनिष्ठ ठाकरे गटात गेल्याने मावळ लोकसभेमध्ये आणखी चुरस वाढणार हे नक्की.