ठाणे : नववर्षाच्या पहिल्याच दिवशी ठाण्यात पूर्व दृतगती महामार्गाच्या कडेला उभ्या ट्रकवर पाठीमागून येणारे चारचाकी वाहन धडकल्याने सोमवारी सकाळी भीषण अपघात घडला. या अपघातात पाचजण गंभीर जखमी झाले असून दोघा जखमींची प्रकृती चिंताजनक आहे. हा अपघात इतका भीषण होता की चारचाकी वाहनांच्या पुढील भागाचा पूर्ण चक्काचूर झाला. जखमींना रुग्णालयात हलविण्यात आले असून अपघातानंतर गाडीत अडकलेल्या जखमींना अग्निशमन दलाच्या जवानांनी बाहेर काढले.
पूर्व दृतगती महामार्गावर पाचपाखाडी येथे होंडा शोरूमजवळ भिवंडी येथून मानखुर्दच्या दिशेने निघालेला अंदाजे नऊ टन विटांनी भरलेला ट्रक पंक्चर झाल्याने रस्त्याच्या कडेला उभा होता. यावेळी वसई येथून ठाणे रेल्वे स्थानकाकडे रेल्वे केबल मेन्टेनन्स साहित्य आणि पाच प्रवासी घेऊन चालक फैयाज शेख येत असताना त्याचा स्टेअरिंगवरील ताबा सुटला. त्याने रस्त्याच्या कडेला उभ्या विटांनी भरलेल्या ट्रकला जोरदार धडक दिली.
पूर्व दृतगती महामार्गावर पाचपाखाडी येथे होंडा शोरूमजवळ भिवंडी येथून मानखुर्दच्या दिशेने निघालेला अंदाजे नऊ टन विटांनी भरलेला ट्रक पंक्चर झाल्याने रस्त्याच्या कडेला उभा होता. यावेळी वसई येथून ठाणे रेल्वे स्थानकाकडे रेल्वे केबल मेन्टेनन्स साहित्य आणि पाच प्रवासी घेऊन चालक फैयाज शेख येत असताना त्याचा स्टेअरिंगवरील ताबा सुटला. त्याने रस्त्याच्या कडेला उभ्या विटांनी भरलेल्या ट्रकला जोरदार धडक दिली.
अपघाताची माहिती मिळताच घटनास्थळी पोलीस, आपत्ती व्यवस्थापन कक्षाचे कर्मचारी, अग्निशमन दलाचे जवान पोहचले. या अपघातानंतर गाडीत अडकलेल्या जखमींची बचाव पथकाने सुटका केली. जखमींमध्ये चालक फयाज शेख (५१), विकास कुमार (२१), संतोष कुमार (२४), शिवशंकर आदित्य (३३) व प्रदीप प्रसाद (२५) यांच्या समावेश आहे. त्यांच्या डोक्याला व चेहऱ्याला गंभीर दुखापत झाली आहे.
‘या’ दोघांना मुंबईला हलवले
अपघातातील सर्व जखमींना ठाणे जिल्हा शासकीय रुग्णालयात उपचारासाठी दाखल करण्यात आले होते. यातील संतोष कुमार व विकास कुमार यांची प्रकृती चिंताजनक असल्याने त्यांना पुढील उपचाराकरिता मुंबईच्या जेजे व सायन रुग्णालयात हलवण्यात आले.