टिप्‍सटर मुकुल शर्मानं सोशल मीडिया प्लॅटफॉर्म्स एक्स वर सांगितलं आहे की आगामी मोटो स्मार्टफोन प्रीमियम वेगन लेदर रियर पॅनलसह सादर केला जाईल. ९ जानेवारीला भारतात हा फोन येईल आणि स्नॅपड्रॅगन ६९५ प्रोसेसरच्या मदतीनं ह्या प्राइस रेंजमधील सर्वात फास्ट 5G असेल. Moto G34 5G च्या ८जीबी रॅम व १२८जीबी स्टोरेज व्हेरिएंटची किंमत चीनमध्ये ९९९ (जवळपास ११,९५०) आहे. हा फोन दोन कलर ऑप्शन स्टार ब्लॅक आणि सी ब्लू मध्ये उपलब्ध आहे.
चीनमध्ये लॉन्‍च करण्यात आलेल्या Moto G34 5G फोनमध्ये ६.५ इंचाचा OLED डिस्प्ले HD+ डिस्प्ले देण्यात आला आहे ज्याचा रिफ्रेश रेट १२० हर्ट्झ आहे. हा फोन डॉल्बी एटमॉस-ट्यून करण्यात आलेल्या ड्यूल स्टीरियो स्पिकरसह आला आहे आणि स्नॅपड्रॅगन ६९५ प्रोसेसरवर चालतो. फोनमध्ये ८जीबी एलपीडीडीआर४एक्स रॅम आणि ८जीबी व्हर्च्युअल रॅमला सपोर्ट करतो. हा १२८जीबी यूएफएस २.२ स्टोरेजसह आला आहे. स्टोरेज मायक्रोएसडी कार्ड स्लॉटनं वाढवता येते. फोनमध्ये ५,०००एमएएचची बॅटरी आहे जी १८वॉट फास्ट चार्जिंगला सपोर्ट करते.
Moto G34 5G च्या मागे ५० मेगापिक्सलचा प्रायमरी कॅमेरा आणि २ मेगापिक्सलचा मॅक्रो कॅमेरा देण्यात आला आहे. सेल्फीसाठी १६ मेगापिक्सलचा फ्रंट कॅमेरा ह्या फोनमध्ये आहे. हा स्मार्टफोन अँड्रॉइड १४ वर आधारित माययुआय ६.० वर चालतो. फोनमध्ये साइड-फेसिंग फिंगरप्रिंट सेन्सर देण्यात आला आहे. फोनची लांबी १६२.७ मिमी, रुंदी ७४.६ मिमी, जाडी ७.९९ मिमी आणि वजन १७९ ग्राम आहे.