संभाजी नगर जिल्ह्यामध्ये उद्या, बुधवारी ०३ जानेवारी २०२४ रोजी या रोजगार मेळाव्याचे आयोजन करण्यात आले आहे. महाराष्ट्र शासनाच्या वतीने ‘शासन आपल्या दारी’ या कार्यक्रमा अंतर्गत पंडित दीनदयाळ उपाध्याय रोजगार योजनेद्वारे हा मेळावा आयोजित करण्यात येतो.
राज्यातील बेरोजगारीवर मात करण्यासाठी राज्य सरकार विशेष प्रयत्न करीत आहेत. अधिकाधिक तरुणांना रोजगार देण्याचे ध्येय बाळगून महाराष्ट्र शासनाकडून हा मेळावा घेण्यात येत आहे. याद्वारे प्रत्येक जिल्हया-जिल्ह्यात जाऊन तरूणासाठी रोजगाराच्या संधी उपलब्ध करून दिल्या जात आहेत.
सध्या देशासह राज्यामध्ये सध्या बेरोजगारीची मोठी समस्या आहे. शिक्षण असूनही अनेकांना नोकर्‍या नाहीत. म्हणूनच त्यावर ठोस उपाय करण्याच्या उद्देशाने शासन प्रयत्नशील आहे. शासन आपल्या दारी या उपक्रमासोबतच पंडित दीनदयाळ उपाध्याय रोजगार योजना (जागेवरच निवड) राज्यात राबवली जात आहे. ज्याद्वारे शासन जिल्हया-जिल्ह्यात पोहोचत आहे. विशेष म्हणजे या मार्फत हजारो तरुणांच्या हाताला रोजगार मिळत आहे.
संभाजी नगर/ औरंगाबाद जिल्ह्यामध्ये बुधवारी ०३ जानेवारी २०२४ रोजी शासनाचा रोजगार मेळावा होणार आहे. या मेळाव्यात विविध प्रतिष्ठित कंपन्या सहभागी होणार असून अनेक उमेदवारांना रोजगाराची संधी मिळणार आहे.
इच्छुक उमेदवारांनी महाराष्ट्र शासनाच्या ‘या’ लिंकवर नोंदणी करायची आहे.
या नोंदणी नंतर रोजगार मेळाव्यात उपस्थित राहायचे आहे. या मेळाव्यात ऑफलाइन पद्धतीने उमेदवारांची निवड केली जाईल.
तसेच महास्वायम या लिंकवर क्लिक करून होम पेज वरील औरंगाबाद जिल्ह्याच्या पर्यायावर क्लिक करावे. तिथे भरतीचे आणि पदांचे सर्व तपशील प्राप्त होतील.
नोकरीचे ठिकाण : संभाजी नगर (औरंगाबाद जिल्हा)
रोजगार मेळाव्याची तारीख : ०३ जानेवारी २०२४
मेळाव्याचा पत्ता: रोजगार कार्यालय, मालजीपुरा, बसस्टँड रोड, छत्रपती संभाजीनगर.