सलमान खानच्या ‘टायगर ३’ने ‘जवान’ला टाकले मागे, पण ‘पठाण’चा रेकॉर्ड मोडू शकला नाही सिनेमा

मुंबई– सलमान खानची दिवाळी यंदा फारच जोरदार असल्याचे दिसून येते. कारण दिवाळीच्या मुहूर्तावर सलमान खान आणि कतरिना कैफचा ‘टायगर ३’ सिनेमागृहात प्रदर्शित झाला आहे. विशेष म्हणजे या सिनेमाने बॉक्स ऑफिसवर खरोखरच दिवाळी साजरी केली आहे.

दिवाळीच्या मुहूर्तावर प्रदर्शित झालेल्या मनीष शर्माच्या चित्रपटाने पहिल्याच दिवशी मोठा विक्रम केला, तर दुसऱ्या दिवशीही या चित्रपटाने मोठी कमाई केली. दोन दिवसांत या चित्रपटाने देशात १०० कोटींचा आकडा पार केला आहे. दुसऱ्या दिवशी ‘टायगर ३’ ची कमाई जवळपास ३०% वाढली. दुसऱ्या दिवसाच्या कलेक्शनमध्ये त्याने ‘जवान’ला मागे टाकले आहे. भाऊबीजपर्यंत सुट्ट्या आहेत त्यामुळे ‘टायगर ३’कडे अजूनही फायदा घेण्याची उत्तम संधी आहे. ‘टायगर ३’ दिवाळीच्या दिवशी म्हणजे १२ नोव्हेंबरला रिलीज झाला. त्या दिवशी ४४.५ कोटींची कमाई झाली होती, तर दुसऱ्या दिवशी त्याची कमाई आणखी वाढली. टायगर ३ ने दुसऱ्या दिवशी किती कमाई केली, कोणते नवीन रेकॉर्ड केले आणि कुठे फायदा आणि तोटा झाला हे जाणून घ्या.

दुसऱ्या दिवशीचे टायगर ३ कलेक्शन

‘टायगर ३’ हा YRF च्या स्पाय युनिव्हर्स चित्रपट आहे, ज्यामध्ये शाहरुख खान आणि हृतिक रोशनच्या कॅमिओने रंजक वाढवली. खलनायक बनलेल्या इमरान हाश्मीनेही आपल्या दमदार अभिनयाने सर्वांना आश्चर्यचकित केले. चित्रपटगृहांमध्ये या चित्रपटाची प्रचंड क्रेझ पाहायला मिळाली. दिवाळीसारख्या प्रसंगीही चित्रपट पाहण्यासाठी लोक मोठ्या संख्येने चित्रपटगृहात जात आहेत.

बादशाह करतोय मराठमोळ्या मृणाल ठाकूरला डेट? त्या फोटोंमुळे होतेय चर्चा
रात्रीच्या शोमध्येही चांगला व्याप दिसून आला. पहिल्या दिवशीही सारखीच परिस्थिती होती. दुसऱ्या दिवशी आणखीनच जबरदस्त क्रेझ पाहायला मिळाली. ‘टायगर ३’ ने दुसऱ्या दिवशी म्हणजेच १३ नोव्हेंबर रोजी अपेक्षेपेक्षा दुप्पट कमाई केली. सर्व भाषांमधून ५७.५२ कोटी रुपये जमा केले. मात्र, चित्रपटाने तेलगू भाषेतून केवळ ८७ लाख रुपये आणि तामिळ भाषेतून २२ लाख रुपये कमावले. अशाप्रकारे दोन दिवसांत चित्रपटाचे एकूण कलेक्शन १०२.०२ कोटी झाले आहे. यामध्ये चित्रपटाने केवळ हिंदी भाषेतून ९९.४३ कोटींची कमाई केली आहे.

दुसऱ्या दिवशीही चित्रपटगृहांची अवस्था होती

सोमवार, १३ नोव्हेंबर रोजी ‘टायगर ३’ ची सकाळच्या शोमध्ये २१.६९ टक्के व्याप्ती होती, दुपारच्या शोमध्ये ५२.4९ टक्के आणि नंतर संध्याकाळच्या शोमध्ये ६२.५३ टक्के झाली. तर नाईट शोमधील ऑक्युपन्सी किंचित कमी होऊन ५७.७६ टक्के झाली..

जितेंद्र जोशी मुळचा मराठी नाहीच! सारेगमपच्या मंचावर सत्य उघडकीस, म्हणाला- मला या भाषेच ज्ञान नाही पण…

‘जवान’चा मोडला रेकॉर्ड,पण पठाणला मागे टाकू शकला नाही ‘टायगर ३’

‘टायगर ३’ पहिल्या दिवशी ‘जवान’ला मागे टाकू शकला नसला तरी दुस-या दिवशी कमाईत शाहरुख खानच्या चित्रपटाला मागे टाकले आहे. ‘जवान’ ने रिलीजच्या दुस-या दिवशी ५३ कोटी रुपयांचे कलेक्शन केले होते, मात्र सलमान खानच्या सिनेमाने ५७.५२ कोटी रुपयांची कमाई केली आहे. मात्र, तरीही तो ‘पठाण’ला मागे टाकू शकला नाही.

दुसऱ्या दिवशी बॉक्स ऑफिसवर ‘टायगर ३’ची हवा पाहता हा ५५ कोटींचा व्यवसाय करू शकेल, असा अंदाज वर्तवला जात होता. दोन दिवसांत १०० कोटींची कमाई होईल, असा अंदाजही वर्तवण्यात आला होता. पण त्याने हा आकडाही ओलांडला आणि उत्तम कमाई केली.