किंग खानच्या या चित्रपटाने जगभरात ४०० कोटींहून अधिक कमाई केली. मात्र, राजकुमार हिरानी यांचा हा चित्रपट त्यांच्या आतापर्यंतच्या सर्वाधिक कमाई करणाऱ्या चित्रपटांमध्ये सहभागी झाला आहे. बुधवारी चित्रपटाची बॉक्स ऑफिसवर काय परिस्थिती होती ते जाणून घेऊ.
शाहरुख खानच्या ‘डंकी’ चित्रपटाला प्रभासच्या ‘सालार’शी संघर्ष करावा लागत आहे. या चित्रपटामुळे बॉक्स ऑफिसवर शाहरुख खानने हॅटट्रिक केली असली तरी आता परिस्थिती हळूहळू बदलू लागली आहे.
‘डंकी’च्या कमाईत झपाट्याने घट
sacnilk च्या अहवालानुसार, या चित्रपटाने १ जानेवारी रोजी चांगली कमाई केली होती, त्यादिवशी सुमारे ९.०५ कोटी रुपये कमावले होते. १३ व्या दिवशी म्हणजेच मंगळवारी चित्रपटाच्या कमाईत ५७.४६ % घसरण नोंदवली गेली आणि त्या दिवशी केवळ ३.८५ कोटींच कमाई झाली. बुधवारची आकडेवारी अधिक आश्चर्यकारक होती. या चित्रपटाने १४ व्या दिवशी केवळ ३.३० कोटींची कमाई केली.
‘डंकी’ची जगभरात ४०० कोटींहून अधिक कमाई
या चित्रपटाच्या जगभरातील कलेक्शनबद्दल बोलायचे झाले तर सिनेमाने ४०३ कोटींहून अधिक कमाई केली आहे. या चित्रपटाने १३ दिवसांत जगभरात ४००.७५ कोटी रुपयांची कमाई केली, तर विदेशी बॉक्स ऑफिसवर १६०.७५ कोटी रुपये कमावले. १३ दिवसांत भारतात २४०.७५ कोटी रुपयांची कमाई झाली आहे.
हा चित्रपट परदेशात जाण्याचे स्वप्न पाहणाऱ्या ५ मित्रांची कथा दाखवली आहे. शाहरुख खान व्यतिरिक्त या चित्रपटात तापसी पन्नू, विकी कौशल आणि सुनील ग्रोवर यांच्याही भूमिका आहेत.