शिवसेनेचे १८ च्या वर खासदार आम्ही निवडून आणू उलट सतेज पाटील यांचे सर्व दोन नंबरचे व्यवसाय आहेत. आणि मोदी सरकारच्या काळात त्यांना काही करता येणार नाही यामुळे आपल्यालाही काँग्रेस बदल कढ करावी लागेल आणि भाजपमध्ये जायचं आहे या हेतूने ते असे वक्तव्य करत असून पुढील काही दिवसात सतेज पाटील भाजपमध्ये दाखल झालेले दिसतील असा दावा राज्य नियोजन मंडळाचे कार्यकारी अध्यक्ष राजेश क्षीरसागर यांनी केला आहे.ते आज कोल्हापुरात पत्रकारांशी बोलत होते.
सतेज पाटील यांची पळता भुई थोडी झालीय
शिवसेना शिंदे गटाचे दहापैकी सात खासदार हे आगामी लोकसभा निवडणुकीत भाजपच्या तिकिटावर निवडणूक लढवण्यास इच्छुक असल्याचे लेखी पत्र दिले असल्याचा दावा काँग्रेसचे आमदार सतेज पाटील यांनी काही दिवसांपूर्वी केला होता. दरम्यान या वक्तव्याला राज्य नियोजन मंडळाचे कार्यकारी अध्यक्ष राजेश क्षीरसागर यांनी जोरदार प्रत्युत्तर दिले आहे.
सतेज पाटील हे ज्योतिषी आहेत का? असा सवाल त्यांनी विचारला आहे.तसेच सतेज पाटील हे आदेश शिवसेनेच्या तिकिटावर विधानसभेत गेले आणि शिवसेनेला सोडून काँग्रेसला जवळ केले. आता सतेज पाटील यांची पळता भुई थोडी झाली आहे. त्यांचे व्यवसाय सर्व दोन नंबर आहेत. आणि मोदी सरकार असल्याने आता त्यांना काही करता येत नाही. यामुळे आपल्यालाही काँग्रेस मधून कड काढायची आहे आणि भाजपमध्ये जायचं आहे या हेतूने ते असे वक्तव्य करत आहेत. पुढच्या काही दिवसात सतेज पाटील भाजपमध्ये दाखल झालेले दिसून येतील असा दावा क्षीरसागर यांनी केला आहे.
Read Latest Maharashtra News And Marathi News