टिप्सटर सुधांशु अंभोरेनं Poco X6 5G चा एक अनबॉक्सिंग व्हिडीओ पोस्ट केला आहे. हा व्हिडीओ ऑफिशियल नाहीत. ह्यातून ह्या स्मार्टफोनच्या डिजाइनची माहिती मिळाली आहे. ह्याची ड्युअल-टोन डिजाइन आणि ग्लास बॅक आहे. ह्यात चौकोनी रियर कॅमेरा सेटअप आहे. ह्या व्हिडीओमध्ये ह्या स्मार्टफोनचा रिटेल बॉक्स दाखवण्यात आला आहे. ह्यात ब्लॅक कलरची केस, ६७ वॉटचा चार्जर आणि यूएसबी टाइप सी अडॅप्टर मिळतो. हा स्मार्टफोन व्हाइट कलरमध्ये आला आहे. ह्याच्या मागे तीन सेन्सर्ससह कॅमेरा मॉड्यूल देण्यात आला आहे.
ह्या स्मार्टफोनमध्ये ६४ मेगापिक्सलचा प्रायमरी कॅमेरा, ८ मेगापिक्सलचा सेकंडरी सेन्सर आणि २ मेगापिक्सलचा सेन्सर असू शकतो. ह्याच्या फ्रंटला ८ मेगापिक्सलचा सेन्सर देण्यात आला आहे. ह्या टिप्सटरनं दावा केला आहे की हा स्मार्टफोन अँड्रॉइड १३ आधारित मीयुआय १४ वर चालेल. ह्यात ६.६७ इंचाची अ‍ॅमोलेड स्क्रीन १.५के रिजॉल्यूशन आणि १२०हर्ट्झ रिफ्रेश रेटसह येईल. Poco X6 5G मध्ये ५,१००एमएएचची बॅटरी असू शकते.
हा स्मार्टफोन सप्टेंबरमध्ये चीनमध्ये सादर केलेल्या Redmi Note 13 Pro 5G चा रिब्रँडेड व्हर्जन असू शकतो. Poco X6 काही सर्टिफिकेशन साइट्सवर देखील दिसला आहे. अलीकडेच हा ब्यूरो ऑफ इंडियन स्टँडर्ड्सच्या वेबसाइटवर दिसला होता.
Poco नं डिसेंबरमध्ये C65 देशात लाँच केला होता. ह्या स्मार्टफोनचे काही फीचर्स अलीकडेच आलेल्या Redmi 13C सारखे आहेत. ह्यात ६.७४ इंचाचा एचडी+ (७२० x १,६०० पिक्सल) एलसीडी डिस्प्ले ९० हर्ट्झ रिफ्रेश रेटसह येतो. ह्यात प्रोसेसर म्हणून मीडियाटेक हेलीयो जी८५ चिपसेट देण्यात आला आहे. कंपनीनं सांगितलं आहे की यासाठी दोन वर्षांचे अँड्रॉइड ओएस आणि सिक्योरिटी अपडेट दिले जातील. ड्युअल सिम (नॅनो) असलेला हा स्मार्टफोन अँड्रॉइड १३ वर चालतो. ह्या स्मार्टफोनच्या ४जीबी रॅम व १२८जीबी व्हेरिएंटची किंमत ८,४९९ रुपये, ६जीबी व १२८ जीबी व्हेरिएंटची किंमत ९,४९९ रुपये आणि ८जीबी व २५६ जीबी व्हेरिएंटची किंमत १०,९९९ रुपये आहे. हा पेस्टल ब्लू आणि मॅट ब्लॅक कलर्स मध्ये विकत घेता येईल.