कंपनीनं ऑफिशियल वेबसाइटच्या माध्यमातून कंफर्म केलं आहे की Oppo Reno 11 सीरीज भारतात १२ जानेवारीला लाँच होईल. दरम्यान एक्सवर टिपस्टर अभिषेक यादवनं स्मार्टफोनची किंमत आणि स्पेसिफिकेशन्सची माहिती दिली आहे. टिपस्टरनुसार, Reno 11 Pro ची किंमत भारतात जवळपास ३५,००० रुपये आहे आणि Oppo Reno 11 ची किंमत २८,००० रुपये आहे.
टिपस्टरनुसार, Oppo Reno 11 सीरीजचे भारतीय व्हेरिएंटमध्ये चीनी व्हेरिएंटची तुलनेत वेगळ्या प्रोसेसरसह येतील. Oppo Reno 11 मध्ये मीडियाटेक डायमेन्सिटी ७०५० आणि Oppo Reno 11 Pro मध्ये मीडियाटेक डायमेन्सिटी ८२०० SoC चिपसेट असेल. Reno 11 चीन मध्ये मीडियाटेक डायमेन्सिटी ८२०० चिपसेटसह आला आहे आणि Reno 11 Pro च्या चीनी व्हेरिएंटमध्ये स्नॅपड्रॅगन ८+ जेन १ प्रोसेसर आहे.
तसेच Oppo Reno 11 च्या भारतीय व्हेरिएंटमध्ये ५,०००एमएएचची बॅटरी मिळू शकते, तर Reno 11 Pro मध्ये ४,६००एमएएचची बॅटरी दिली जाईल. चीनमध्ये Oppo Reno 11 मध्ये ६७वॉट फास्ट चार्जिंगसह ४,८००एमएएचची बॅटरी आहे, तर Reno 11 Pro मध्ये ८० वॉट फास्ट चार्जिंगसह ४,७००एमएएचची बॅटरी आहे.
ह्या स्मार्टफोनमध्ये ६.७० इंचाचा फुल-एचडी+ ओएलईडी कर्व्ड डिस्प्ले देण्यात आला आहे, ज्याचा १०८०x२४१२ पिक्सल रिजोल्यूशन आणि १२०हर्ट्झ रिफ्रेश रेट आहे. सिक्योरिटीसाठी इन-डिस्प्ले फिंगरप्रिंट सेन्सर मिळतो. Oppo Reno 11 सीरीज अँड्रॉइड १४ वर चालते.
कॅमेरा सेटअपसाठी Reno 11 Pro मध्ये ओआयएससह ५० मेगापिक्सलचा प्रायमरी सोनी आयएमएक्स८९० कॅमेरा, ३२ मेगापिक्सलचा टेलीफोटो कॅमेरा आणि ८ मेगापिक्सलचा अल्ट्रा-वाइड कॅमेरा देण्यात आला आहे. दुसरीकडे Reno 11 मध्ये ओआयएस सपोर्टसह ५० मेगापिक्सलचा सोनी एलवायटी६०० कॅमेरा, ३२ मेगापिक्सलचा टेलीफोटो सेकंडरी कॅमेरा आणि ८ मेगापिक्सल अल्ट्रा-वाइड कॅमेराचा समावेश आहे. सेल्फी आणि व्हिडीओ कॉलसाठी दोन्ही स्मार्टफोनमध्ये ३२ मेगापिक्सलचा फ्रंट कॅमेरा आहे.