गेल्या एका २४ तासांपूर्वी या मुलीचे अपहरण करण्यात आले होते. त्याबाबत रामदास पेठ पोलीस ठाण्यात अपहरणाचा गुन्हा दाखल करण्यात आला होता. गुड्डी रवी मलाकर असे तिचे नाव असून ती चंद्रपूर जिल्ह्यातील महाकाली कॉलनी, एकाश सार चंगार रोशील रहिवासी आहे. रामदास पेठ पोलीस स्टेशनचे पोलीस निरीक्षक मनोज बहुरे यांनी दिलेल्या माहितीनुसार, अकोल्यातील टिळक पार्क परिसरातील महादेव मंदिराजवळ खेळत असताना गुड्डी मलाकर हिचे अपरहण झाल्याची तक्रार काल दुपारी दाखल झाली. जिल्हा न्यायालयासमोरच्या मोकळ्या जागेत उभारलेल्या झोपड्यांमध्ये बाहेरगावातील काही कुटुंब मुक्कामी आहेत.
महादेव मंदिराजवळ रवी मलाकर यांची पाच वर्षांची गुड्डी नामक चिमुकली मुलगी खेळत होती. यादरम्यान, एका अज्ञात व्यक्तीने तिला पळवून नेले. ही बाब कुटुंबीयांच्या लक्षात येताच त्यांनी मुलीची शोधाशोध केली. परंतु कुठेही तिचा सुगावा हाती लागला नाही. घाबरलेल्या कुटुंबीयांनी रामदास पेठ पोलिसांत तक्रार नोंदविली. या प्रकरणी पोलिसांनी भारतीय दंड विधानाच्या कलम ३६३ अन्वये गुन्हा दाखल केला होता. पोलिसांनी गुड्डी हिचा फोटो प्राप्त करून लागलीच शोध पत्रिका तयार करीत शहरातील सर्व पोलीस ठाण्यात पाठवल्या.
दरम्यान तक्राराची पुतणी ज्योती लखन मालाकार (१२) हिने अपहरणकर्त्या व्यक्तींसंदर्भात सांगितलेल्या वर्णनावरून तपास सुरू झाला. तसेच या मार्गावरील ३५ सीसीटीव्ही फुटेजची तपासणी करून एका सीसीटीव्हीमध्ये तोंडाला रूमाल बाधंलेली सशंयित महिला दिसून आली. तिचे फोटो प्राप्त करून प्रत्यक्षदर्शी आणि ज्योतीला दाखविले. त्यानंतर अपहरणकर्त्या महिलेची ओळख स्पष्ट झाली. दरम्यान महिला अकोट फैल येथील रहिवासी असून ‘ती’ डोळ्यांमध्ये सुरमा, एका पायामध्ये काळा धागा अन् कवळी बांधून राहते. तसेच शहरातील मंदिरासमोर भीक मागत असल्याचेही समोर आले.
आज शनिवारी दुपारच्या सुमारास अपहरणकर्ता महिला हि टिळक रोड परीसरात येत असल्याची पोलिसांना मिळाली. त्यावरून पोलीस कर्मचारी शेख हसनसह कावेरी ढाकणे, प्रियंका बाग़ळे यांनी पाळत ठेवली. सदर महिला दिसताच तिला ताब्यात घेतले. सलमा परवीन अकबरशाह उर्फ अंजली रामदास तायडे (४० वर्षे रा. बांबु वाडी शकंर नगर अकोट फैल, अकोला) असं महिलेचं नाव असल्याचं समजलं.
पोलिसांनी अपहरणकर्त्या अंजली तायडे या महिलेची कसून चौकशी केली असता तिने गुड्डी या पाच वर्षीय मुलीचे अपहरण केल्याचे मान्य केले. त्यानंतर मुलगीला ही शंकर नगरातील बांबू वाडी येथील तिच्या राहत्या घरी डांबून ठेवलं होते. लागलीचं गुड्ड़ीला ताब्यात घेत पालकांच्या ताब्यात देण्यात आले. तपासात असं दिसून येतंय की मुलं विकण्यासाठी नाही तर भीक मागण्यासाठी वापरण्यात येणार होता. त्या अनुषंगाने आम्ही आता चौकशी करत असल्याचे पोलीस निरीक्षक मनोज बहुरे यांनी सांगितले.