स्वाती मोहोळ यांची न्याय देण्याची मागणी
शरद मोहोळ याची पत्नी स्वाती मोहोळ यांनी यांनी न्याय मिळावा, अशी मागणी उपमुख्यमंत्री देवेंद्र फडणवीस यांची भेट घेतली आहे. स्वाती मोहोळ या भाजपच्या पुणे शहर महिला आघाडीच्या पदाधिकारी देखील आहेत. आज फडणवीस पुण्यात आले असताना स्वाती मोहोळ यांनी भेट घेतली.
पाळत ठेवत संपवलं
शरद मोहोळ याचा त्याच्या लग्नाच्या वाढदिवशीच खून करण्यात आला होता. शरद मोहोळ याच्यासोबत काही दिवस साथीदार म्हणून काम कारणाऱ्या साहिल उर्फ मुन्ना संतोष पोळेकर आणि इतर दोघांनी गोळीबार केला. साहिल मुन्ना यानं काही दिवस शरद मोहोळ याच्यावर पाळत ठेवली होती. आरोपींनी या गुन्ह्यात वापरलेली पिस्तूल तीन महिन्यांपूर्वीच खरेदी केल्याची माहिती आहे. तर, साहिल पोळेकर गेल्या एक ते दीड महिन्यांपासून शरद मोहोळसोबत काम करत होता. साहिल पोळेकर यानं त्याचा मामा नामदेव कानगुडे याच्यासोबत दहा वर्षापूर्वी शरद मोहोळच्या झालेल्या वादाचा बदला घेतला.
शरद मोहोळ आणि नामदेव कानगुडे या दोघांच्यात दहा वर्षापूर्वी सुतारदरा येथे वाद झाला होता. त्यानंतर नामदेव कानगुडेला सुतारदरा सोडावं लागलं होतं.
गोळीबाराचा व्हिडिओ व्हायरल
साहिल पोळेकर आणि इतर साथीदारांनी शरद मोहोळवर जो गोळीबार केला ते ठिकाण देखील सीसीटीव्हीच्या कक्षेत येत असल्यानं गोळीबार सीसीटीव्हीत कैद झाला आहे. या हल्ल्याचा व्हिडिओ सोशल मीडियावर मोठ्या प्रमाणात व्हायरल झाला आहे.
Read Latest Maharashtra News And Marathi News