ई-कॉमर्स साइटनं आपल्या वेबसाइटवर आगामी Amazon Great Republic Day Sale टीज करण्यास सुरुवात केली आहे, परंतु अद्याप तारखेची घोषणा केली नाही. गेल्यावर्षी सेल १५ जानेवारीपासून सुरु झाला होता आणि यंदा देखील तेव्हाच सेल सुरु होईल अशी अपेक्षा आहे. वेबसाइटवरून समजलं आहे की कंपनीच्या इतर सेलप्रमाणे अॅमेझॉन प्राइम मेंबर्सना आगामी सेलचा सर्वप्रथम लाभ मिळेल.
Amazon वर आगामी सेल दरम्यान स्मार्टफोन आणि अ‍ॅक्सेसरीजवर ४० टक्क्यापर्यंत सूट मिळत आहे, ज्यात 5G स्मार्टफोन ९,९९९ रुपयांपासुन सुरु होतील. सेलच्या लँडिंग पेजनुसार, स्मार्टफोनवर ५०,००० रुपयांपर्यंत सूट मिळेल. तसेच लॅपटॉप आणि स्मार्टवॉचवर ७५ टक्क्यापर्यंत सूट मिळेल. स्मार्ट टीव्ही आणि अन्य डिवाइसेज आगामी अॅमेझॉन ग्रेट रिपब्लिक डे सेल दरम्यान ६५ टक्के डिस्काउंटसह विकत घेता येईल.
Amazon Great Republic Day सेल दरम्यान अनेक प्रोडक्ट्सवर डिस्काउंट व्यतिरिक्त SBI बँकेचे ग्राहक क्रेडिट कार्ड आणि ईएमआय ट्रँजॅक्शनवर १० टक्के इंस्टंट डिस्काउंट मिळवता येईल. तसेच जुना डिवाइस एक्सचेंज केल्यावर सेल दरम्यान खरेदीवर अतिरिक्त डिस्काउंटचा देखील लाभ घेता येईल. लवकरच आगामी Amazon Great Republic Day सेल बाबत अधिक माहिती उपलब्ध होईल अशी अपेक्षा आहे.
सेलमध्ये पॉकेट फ्रेंडली स्टोर असेल ज्यात ९९, १९९, २९९ आणि ४९९ रुपयांच्या आत येणारे प्रोडक्ट्स एकाच ठकाणी मिळतील. तर १ रुपयांमध्ये तुम्ही तुमच्यासाठी डिस्काउंटसह विकले जाणारे प्रॉडक्ट प्रीबुक देखील करू शकता. तसेच एक रुपयात तुम्ही सॅम्पल्स देखील ट्राय करू शकता.