रायगड: कोकणातील रायगड जिल्ह्यात रोहा शहरात एका युवकाच्या घरात शस्त्रास्त्रांचा मोठा साठा सापडल्याने मोठी खळबळ उडाली आहे. सोमवार दिनांक ८ जानेवारी रोजी खळबळ उडाली आहे. सायंकाळी ७ ते ८ वाजण्याच्या दरम्यान स्थानिक गुन्हे शाखेने काही संशयित ठिकाणी छापेमारी केली आणि मोठं घबाड पोलिसांच्या हाती लागले आहे.
मिळालेल्या माहितीनुसार, रोहा शहरातील धनगर आळी येथील रहिवासी तन्मय सतीश भोगटे (२४) याच्या घरात पोलिसांनी छापा मारला. यावेळी मोठ्या प्रमाणात बंदूका बनवण्याचे साहित्य, २ रिव्हॉल्व्हर आणि बंदुकांची जिवंत काडतूसे, मोठा दारुगोळा आणि त्याचबरोबर वन्य प्राण्यांची अवशेष घरामध्ये सापडले. पोलिसांनी तात्काळ आरोपी तन्मय भोगटे याला मुद्देमालासह जेरबंद केलं आहे. अशा प्रकारची शस्त्रास्त्र रोहा शहरात पहिल्यांदाच सापडली आहेत. मात्र या घटनेने शहरात घबराटीचे वातावरण पसरले आहे.
मिळालेल्या माहितीनुसार, रोहा शहरातील धनगर आळी येथील रहिवासी तन्मय सतीश भोगटे (२४) याच्या घरात पोलिसांनी छापा मारला. यावेळी मोठ्या प्रमाणात बंदूका बनवण्याचे साहित्य, २ रिव्हॉल्व्हर आणि बंदुकांची जिवंत काडतूसे, मोठा दारुगोळा आणि त्याचबरोबर वन्य प्राण्यांची अवशेष घरामध्ये सापडले. पोलिसांनी तात्काळ आरोपी तन्मय भोगटे याला मुद्देमालासह जेरबंद केलं आहे. अशा प्रकारची शस्त्रास्त्र रोहा शहरात पहिल्यांदाच सापडली आहेत. मात्र या घटनेने शहरात घबराटीचे वातावरण पसरले आहे.
ही कारवाई रायगडचे पोलीस अधीक्षक सोमनाथ घार्गे आणि अप्पर पोलीस अधीक्षक अतुल झेंडे यांच्या मार्गदर्शनाखाली स्थानिक गुन्हे शाखेचे बाळासाहेब खाडे आणि त्यांच्या टीमने केली. हा प्रकार नेमका काय आहे? ही शस्त्रास्त आणि दारुगोळा कोणाच्या सांगण्यावरून बनवला जात होता ? घातपाताचा मोठा डाव जिल्ह्यात शिजत होता का? की कोणी ही शस्त्रास्त्रे विकत घेणार होता ? याबाबत असंख्य प्रश्न निर्माण होत आहेत. याबाबत सविस्तार चौकशीनंतर पोलिसांमार्फत खुलासा करण्यात येणार आहे. मात्र रोहा शहरातील वातावरण दहशतमय झाले असून या प्रकरणाचे धागेदोरे लवकरात लवकर शोधून काढायची मागणी जनतेद्वारे पोलिसांना करण्यात येत आहे.