साक्री तालुक्यात असलेल्या सामोडे परिसरात असलेल्या जेबापूर ते रोहन गावाला जोडणाऱ्या फरशी पुलाचे सध्या काम सुरू असून, संबंधित ठेकेदाराकडून पर्यायी व्यवस्था उपलब्ध करून द्यायला हवी होती. मात्र, वाहनांसाठी कुठल्याही प्रकारची पर्यायी व्यवस्था करण्यात आलेली नसल्यामुळे या पुलावरूनच हजारो वाहनांची वर्दळ सुरू असते. संबंधित ठेकेदाराच्या हलगर्जीपणामुळे हजारो लोक आपला जीव मुठीत घेवून सध्या हा प्रवास करीत आहेत. मात्र संबंधित ठेकेदाराचे आणि प्रशासनाचे याकडे लक्ष नसल्याचे चित्र सध्या बघायला मिळत आहे.
या रस्त्याचे काम चालू असल्यामुळे अनेक छोटे-मोठे अपघात नेहमी या ठिकाणी घडत असतात. आज देखील उसाने भरलेला ट्रक फरशी पुलावरून जात असताना वाहन चालकाचे नियंत्रण सुटल्याने सदर ट्रक हा पुलावर तात्पुरता स्वरूपात टाकण्यात आलेला भर अचानक खचल्याने ट्रक पलटी झाला. मात्र, या अपघातात कुठलीही जीवित आणी झाली नसती तरी वाहन चालक गंभीर जखमी झाला आहे व त्याचा सहकारक हा प्रसंगावधान राखत त्याने ट्रक मधून उडी घेत आपला जीव वाचवला आहे.
मावा मार्गावरील इतर वाहन चालकांनी तसेच सामोरे परिसरातील नागरिकांना हा सर्व प्रकार लक्षात येताच घटनास्थळी धाव घेत ट्रक मध्ये अडकलेल्या ट्रक चालकास मोठ्या शर्तीच्या प्रयत्नानंतर बाहेर काढण्यात आले असून, त्यास शासकीय रुग्णालयामध्ये उपचारासाठी दाखल करण्यात आले असल्याची माहिती स्थानिक नागरिकांनी यावेळी दिली.
Read Latest Maharashtra News And Marathi News