Infinix InBook Y4 Max ची किंमत
Infinix InBook Y4 Max तीन प्रोसेसर व्हेरिएंट्समध्ये लाँच करण्यात आला आहे. ह्यात 13th-generation Intel core i3, i5 आणि i7 मॉडेल्स चा समावेश आहेत. लॅपटॉपच्या बेस मॉडेलमध्ये 13th-generation Intel core i3 सह १६जीबी रॅम व ५१२जीबी स्टोरेज मिळते, ज्याची किंमत ३७,९९० रुपये आहे. कंपनीनं सध्या अन्य व्हेरिएंट्सची किंमत सांगितली नाही. हा लॅपटॉप तुम्ही Flipkart च्या माध्यमातून सिल्व्हर आणि ब्लू कलरमध्ये खरेदी करू शकता.
Infinix InBook Y4 Max चे स्पेसिफिकेशन्स
लॅपटॉपमध्ये १६ इंचाचा IPS LCD FHD डिस्प्ले देण्यात आला आहे. या डिस्प्लेमध्ये ३०० नीट्स ब्राइटनेस आणि १६:१० अ‍ॅस्पेक्ट रेशियो आहे. हा लॅपटॉप Intel 13th Gen i3-1335U, i5-1335U आणि i7-1355U प्रोसेसरसह आला आहे. ह्यात Intel core i3 1315U, १६जीबी रॅम + ५१२जीबी SSD, Intel core i5 1335U, १६जीबी रॅम + ५१२जीबी SSD, Intel core i7 1355U आणि १६जीबी रॅम + ५१२जीबी SSD मॉडेल सादर करण्यात आले आहेत. हा लॅपटॉप Windows 11 Home Edition वर चालतो.
Infinix InBook Y4 Max ची बॅटरी ७०वॉटअव्हरची आहे, जोडीला ६५वॉट फास्ट चार्जिंगचा सपोर्ट मिळतो. कंपनीचा दावा आहे की हा लॅपटॉप सिंगल चार्ज वर ८ तास पर्यंत यूसेज देतो. हा लॅपटॉप १८मिमी पातळ आणि १.८किलोग्रॅम जड आहे. कनेक्टिव्हिटीसाठी ह्यात यूएसबी-ए ३.० पोर्ट, यूएसबी-सी ३.० पोर्ट, एचडीएमआय पोर्ट आणि ३.५मिमी हेडफोन जॅक मिळतो. ह्यात Backlit keyboard देण्यात आला आहे.