मुंबई/अहमदनगर : अहमदनगर जिल्ह्यातील उद्धव बाळासाहेब ठाकरे गटाचे अकोले तालुकाप्रमुख डॉ. मनोज मोरे यांनी समर्थकांसह, तसेच अकोले मतदारसंघातील काँग्रेस पक्षाच्या पदाधिकारी आणि कार्यकर्त्यांनी बुधवारी अजित पवार यांच्या नेतृत्वातील राष्ट्रवादी काँग्रेसमध्ये जाहीर प्रवेश केला. देवगिरी बंगल्यावर हा प्रवेश पार पडला.
उपमुख्यमंत्री अजित पवार यांच्या प्रमुख उपस्थितीत आणि राष्ट्रवादी काँग्रेस (अजित पवार) गटाचे प्रदेशाध्यक्ष सुनिल तटकरे यांच्या हस्ते, आमदार डॉ. किरण लहामटे यांच्या मार्गदर्शनाखाली अहमदनगर जिल्ह्यातील पदाधिकारी-कार्यकर्त्यांनी पक्षप्रवेश केला.
उपमुख्यमंत्री अजित पवार यांच्या प्रमुख उपस्थितीत आणि राष्ट्रवादी काँग्रेस (अजित पवार) गटाचे प्रदेशाध्यक्ष सुनिल तटकरे यांच्या हस्ते, आमदार डॉ. किरण लहामटे यांच्या मार्गदर्शनाखाली अहमदनगर जिल्ह्यातील पदाधिकारी-कार्यकर्त्यांनी पक्षप्रवेश केला.
याशिवाय प्रदेश सरचिटणीस इर्शाद जहागीरदार यांच्या पुढाकाराने धुळे शहरातील विविध राजकीय पक्षातील प्रमुख कार्यकर्त्यांनीही राष्ट्रवादी काँग्रेसमध्ये जाहीर प्रवेश केला.
अजितदादा पवार आणि प्रदेशाध्यक्ष खासदार सुनिल तटकरे यांनी सर्व प्रवेशकर्त्यांचे पक्षात स्वागत केले तसेच त्यांना सर्वांना पुढील वाटचालीसाठी शुभेच्छा दिल्या.
यावेळी राज्याचे वैद्यकीय शिक्षण मंत्री हसन मुश्रीफ, प्रदेश सरचिटणीस आणि कोषाध्यक्ष शिवाजीराव गर्जे, आमदार डॉ. किरण लहामटे, आमदार बाबाजानी दुर्राणी, प्रदेश सरचिटणीस लतिफ तांबोळी, युवक प्रदेशाध्यक्ष सूरज चव्हाण, धुळे शहर जिल्हा कार्याध्यक्ष जावेद बिल्डर यांच्यासह पदाधिकारी व कार्यकर्ते उपस्थित होते.
Read Latest Maharashtra News Updates And Marathi News