जर तुम्ही Jio ग्राहक असाल तर ही ट्रिक तुमच्यासाठी आहे. तुम्ही तुमच्या पुढील रिचार्जसह Disney+ Hotstar चं फ्री सब्सक्रिप्शन मिळवू शकता. टेलीकॉम कंपन्या सध्या आपल्या अनेक प्लॅन्ससह ओटीटी बेनेफिट्स देत आहेत. काही दिवसांपूर्वीच Netflix सब्सक्रिप्शनसह प्लॅन लाँच करण्यात आला होता. तसेच, आज आम्ही तुम्हाला एक अश्या रिचार्ज प्लॅनची माहिती देणार आहोत ज्यात तुम्हाला डीज्नी प्लस हॉटस्टारचं फ्री सब्सक्रिप्शन मिळेल. Jio च्या या प्लॅनची किंमत ४०० रुपयांपेक्षा कमी आहे. या प्लॅनमध्ये तुम्हाला डेटा, कॉलिंग, SMS बेनेफिट्ससह ओटीटी सब्सक्रिप्शन मिळेल चला जाणून घेऊया या प्लॅन संबंधित माहिती.
Jio च्या या प्लॅनची किंमत ३८८ रुपये आहे. या प्लॅनमध्ये युजर्सना २८ दिवसांची व्हॅलिडिटी मिळेल. टेलीकॉम बेनेफिट्स पाहता, जिओच्या या प्लॅनमध्ये युजर्सना डेली २जीबी डेटा मिळतो. २८ दिवसांच्या व्हॅलिडिटीमध्ये युजर्सना एकूण ५६जीबी डेटा वापरता येतो. तसेच, प्लॅनमध्ये अनलिमिटेड व्हॉइस कॉलिंगची सुविधा देखील आहे. तसेच तुम्ही रोज १०० फ्री SMS प्लॅन अंतगर्त पाठवू शकता.
एक्स्ट्रा बेनेफिट्स पाहता, जिओचा हा प्लॅन युजर्सच्या मनोरंजनाची काळजी घेतो. या प्लॅनमध्ये कंपनी युजर्सना ३ महिन्यांपर्यंत Disney+ Hotstar Mobile सब्सक्रिप्शन मोफत देत आहे. ओटीटी बेनेफिट्स मिळवण्यासाठी तुम्हाला सर्वप्रथम तुमच्या स्मार्टफोनमध्ये Play Store च्या माध्यमातून Disney+ Hotstar अ‍ॅप डाउनलोड करावा लागेल. त्यानंतर तुमच्या जिओ मोबाइल नंबरनं OTP द्वारे अ‍ॅपमध्ये लॉन-इन करा. त्यानंतर तुम्ही फ्री बेनेफिट अंतगर्त डीज्नी प्लस हॉटस्टारवरील कंटेंट फ्री पाहू शकता.