विशाल बाळासाहेब मोकाशी (वय ३०, रा. सांगवडे, ता. मावळ) असे आरोपीचे नाव आहे. या प्रकरणी महेश दिलीप लोहार (वय २९, रा. दारुंब्रे, ता. मावळ) यांनी तळेगाव दाभाडे पोलिस ठाण्यात फिर्याद दिली आहे. पोलिसांनी दिलेल्या माहितीनुसार, फिर्यादी लोहार आणि आरोपी मोकाशी ओळखीचे आहेत. त्यांच्यात काही दिवसांपूर्वी वाद झाले होते. जुन्या वादाच्या रागातून आरोपी मोकाशी याने फिर्यादी लोहार यांना जिवे मारण्याच्या उद्देशाने गाडीने धडक देऊन फरफटत नेले. या घटनेत फिर्यादींचा मित्र मंगेश सावंत गंभीर झाला आहे. पोलिसांनी आरोपी मोकाशी याला अटक केली आहे. तळेगाव दाभाडे पोलिस तपास करीत आहेत.
टोळक्याकडून तरुणाला मारहाण
दुचाकीवरून घरी निघालेल्या तरुणाला पाच जणांच्या टोळक्याने मारहाण करून जखमी केले. ही घटना बुधवारी मावळ तालुक्यातील वराळे गावातील हॉटेल सावली येथे घडली.
करण चंद्रकांत माने (वय २५, रा. वराळे, ता. मावळ) यांनी या प्रकरणी तळेगाव एमआयडीसी पोलिस ठाण्यात फिर्याद दिली आहे. त्यानुसार, गुरुदेव मराठे, रमजान फुटणकर, साहिल म्हाळसकर, मयूर मते, गोट्या मराठे (सर्व रा. वराळे, ता. मावळ) यांच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी माने दुचाकीवरून समता कॉलनी येथील आपल्या घरी निघाले होते. ते सावली हॉटेलसमोर आले असता आरोपी गुरुदेव मराठे याने त्यांना अडवले. ‘आमच्याकडे रागाने का बघतो,’ असे म्हणून मारहाण करण्यास सुरुवात केली. त्यानंतर सर्व आरोपींनी माने यांना मारहाण केली. आरोपी गोट्या मराठे याने बाजूला असलेल्या वडापावच्या हातगाडीवरून कुकर घेऊन फिर्यादीच्या डोक्यात मारला. या मारहाणीत फिर्यादी गंभीर जखमी झाले. तळेगाव एमआयडीसी पोलिस तपास करीत आहेत.