मुंबई विद्यापीठाच्या १४ परीक्षा पुढे ढकलल्या; ३१ जानेवारी २०२४ सुधारित तारीख

Mumbai University Exams : महाराष्ट्र शासनाने सोमवार दिनांक २२ जानेवारी २०२४ रोजी श्री राम लल्ला प्राणप्रतिष्ठा दिन असल्याने सार्वजनिक सुट्टी जाहीर केली आहे. मुंबई विद्यापीठाच्या दिनांक २२ जानेवारी २०२४ रोजी होणाऱ्या एकूण १४ परीक्षा पुढे ढकलण्याचा निर्णय घेतला आहे. या परीक्षा दिनांक ३१ जानेवारी २०२४ रोजी घेण्यात येणार असल्याची माहिती देणारे परिपत्रक विद्यापीठाच्यावतीने प्रसिद्ध करण्यात आले आहे.

विद्यापीठाच्या या १४ परीक्षा पुढे ढकलल्या :

दिनांक २२ जानेवारी २०२४ रोजी पुढे ढकलण्यात आलेल्या सकाळच्या सत्रातील बी.कॉम. सत्र ५ , एमए पब्लिक पॉलिसी सत्र ३, एमए राज्यशास्त्र सत्र १, एमएस्सी रिसर्च सत्र १ या चार परीक्षा आहेत.

तर दुपारच्या सत्रात बीएमएस – एमबीए ( ५ वर्षीय एकत्रित अभ्यासक्रम) सत्र १, तृतीय वर्ष बीए सत्र ५, प्रथम वर्ष एलएलबी – जन. एलएलबी ( ३ वर्षीय अभ्यासक्रम) सत्र १, प्रथम वर्ष एलएलबी – बीएलएस (५ वर्षीय अभ्यासक्रम) सत्र १, एलएलबी ( ३ वर्षीय अभ्यासक्रम, ७५:२५) सत्र १, बीए एलएलबी ( ५ वर्षीय एकत्रित अभ्यासक्रम, ७५:२५) सत्र १, प्रथम वर्ष एलएलबी – जन. एलएलबी ( ३ वर्षीय अभ्यासक्रम, ६०:४० ) सत्र १, प्रथम वर्ष एलएलबी – बीएलएस ( ५ वर्षीय अभ्यासक्रम, ६०:४०) सत्र १, एमएसडब्ल्यू सत्र ३, एमएस्सी रिसर्च सत्र ३ या १० परीक्षा आहेत. या १४ परीक्षा पुढे ढकलण्यात आल्या आहेत. या सर्व परीक्षांची सुधारित तारीख दिनांक ३१ जानेवारी २०२४ आहे.

आयडॉलच्या ३ परीक्षा पुढे ढकलल्या :

मुंबई विद्यापीठाच्या दूर व मुक्त अध्ययन संस्थेच्या ३ परीक्षा पुढे ढकलण्यात आल्या आहेत.
यातील प्रथम वर्ष बीए सत्र १ व प्रथम वर्ष बीकॉम सत्र १ या परीक्षा २२ जानेवारी ऐवजी ६ फेब्रुवारी २०२४ रोजी व एमएमएस सत्र २ ची परीक्षा २२ जानेवारी ऐवजी १ फेब्रुवारी २०२४ रोजी घेण्यात येणार आहे.