उत्तर भारतात थंडीचा कडाका कायम आहे. आज मध्य प्रदेशातील दातीया यथे देशाच्या सपाट भूभागावरील नीचांकी २.८ अंश सेल्सिअस तापमान नोंदले गेले. पंजाब, हरियाणा, चंदिगढ, दिल्ली, उत्तर प्रदेश, मध्य प्रदेशात किमान तापमान ३ ते ७ अंशांच्या दरम्यान आहे.
उत्तर भारतात धुके, थंडीची लाट, थंड दिवस ही हवामान स्थिती कायम आहे. उत्तर महाराष्ट्रात हुडहुडी वाढली असून, धुळे येथील कृषी महाविद्यालयात हंगामातील नीचांकी तापमानाची नोंद झाली. यापूर्वी निफाड येथील गहू संशोधन केंद्रात ६.५ अंश सेल्सिअस तापमान नोंदले गेले होते.
धुळ्यात थंडीचा जोर वाढला असून येणाऱ्या काळात यापेक्षाही कमी तापमानाची नोंद होऊ शकते अशी शक्यता हवामान विभागाने वर्तवली आहे उत्तर महाराष्ट्रात वाढलेल्या थंडीच्या जोरामुळे धुळे जिल्हा संपूर्ण कार्यक्रमाला आहे. सकाळी धुळे शहरात सर्वत्र धुक्याची चादर बघायला मिळाली. त्यामुळे मॉर्निंग वॉकला येणाऱ्या नागरिकांच्या संख्येमध्ये देखील घट होत असल्याचे चित्र बघायला मिळत आहे. त्यामुळे थंडीमध्ये बाहेर पडत असताना लहान बालकं आणि वृद्धांनी जास्तीत जास्त कपड्यांचा वापर करावा असे आवाहन डॉक्टरांकडून करण्यात येत आहे.
Read Latest Maharashtra News Updates And Marathi News