अकोला: कधी, कोणत्या क्षणी काय होईल, हे सांगता येत नाही, असंच काहीसं अधोरेखित करणारी एक दुर्दैवी घटना अकोला जिल्ह्यात समोर आली आहे. तुरीचा दाणा श्वास नलिकेत अडकून अवघ्या तीन वर्षांच्या चिमुकल्याचा दुर्दैवी मृत्यू झाला आहे. वेळेवर रुग्णालयात पोहोचता न आल्यानं या चिमुकल्याला जीव गमवावा लागला. अकोल्यातील अकोट तालुक्यातील पाटसूल गावात ही अतिशय दुर्दैवी आणि धक्कादायक घटना घडली. योगीराज अमोल इसापुरे (वय वर्ष ३) असं या मृत चिमुकल्याचं नाव आहे. योगीराज याच्या अचानक जाण्यामुळे कुटुंबियांवर दु:खाचा डोंगरच कोसळला. या घटनेमुळे संपूर्ण गावात हळहळ व्यक्त केली जात आहे.
अकोल्यातील दहीहंडा पोलिस स्टेशन हद्दीत एक दुःखत घटना घडली आहे. तुरीचे दाणे खात असताना अचानकपणे नाकात तुरीचा दाणा अडकल्याने योगिराज इसापुरे या ३ वर्षीय चिमुकल्याचा तडफडून मृत्यू झाला. घरात आजी तुरीचे दाणे काढत असताना त्यांचा नातू योगीराज अमोल इसापुरे (वय ३) हा आजीजवळ आला. आजीने काढून ठेवलेले तुरीचे दाणे योगीराजनं मुठीत घेतले आणि तोंडात कोंबले. त्यातील एक दाणा त्याच्या नाकात म्हणजेच श्वास नलिकेत अडकला गेला. त्यामुळे त्याला श्वास घेण्यास त्रास होऊ लागला. त्याची तब्येत बिघडली. त्यामुळे घरातले सगळेच घाबरले. त्याला काय होतंय असं विचारू लागले. तो तडफडत असल्याचं पाहून लागलीच कुटुंबीयांनी त्याला तातडीने अकोटच्या रुग्णालयात नेले. परंतु वाटेतच त्याचा दुर्दैवी मृत्यू झाला.
अकोल्यातील दहीहंडा पोलिस स्टेशन हद्दीत एक दुःखत घटना घडली आहे. तुरीचे दाणे खात असताना अचानकपणे नाकात तुरीचा दाणा अडकल्याने योगिराज इसापुरे या ३ वर्षीय चिमुकल्याचा तडफडून मृत्यू झाला. घरात आजी तुरीचे दाणे काढत असताना त्यांचा नातू योगीराज अमोल इसापुरे (वय ३) हा आजीजवळ आला. आजीने काढून ठेवलेले तुरीचे दाणे योगीराजनं मुठीत घेतले आणि तोंडात कोंबले. त्यातील एक दाणा त्याच्या नाकात म्हणजेच श्वास नलिकेत अडकला गेला. त्यामुळे त्याला श्वास घेण्यास त्रास होऊ लागला. त्याची तब्येत बिघडली. त्यामुळे घरातले सगळेच घाबरले. त्याला काय होतंय असं विचारू लागले. तो तडफडत असल्याचं पाहून लागलीच कुटुंबीयांनी त्याला तातडीने अकोटच्या रुग्णालयात नेले. परंतु वाटेतच त्याचा दुर्दैवी मृत्यू झाला.
वेळेवर उपचार होऊ न शकल्याने योगीराज याचा दुर्दैवी मृत्यू झाल्याची माहिती समोर येत आहे. यासंदर्भात अजून कोणत्या गोष्टी समोर येणार हे पाहणं महत्त्वाचं असणार आहे. मात्र, या दुर्दैवी घटनेमुळे संपूर्ण पाटसूल आणि आसपासच्या गावात हळहळ व्यक्त केली जात आहे. दरम्यान, लहान मुलांकडे नीट लक्ष द्यायला पाहिजे, ते कोणतीही गोष्ट तोंडात टाकत नाहीत ना, हे तपासा, असे आवाहन या घटनेनंतर करण्यात येत आहे.
Read Latest Maharashtra News And Marathi News