मिळालेल्या माहितीनुसार, सिंधुदुर्गातील मालवण तालुक्यातील कुंभारमाठ येथे शेतकरी मंगेश करेलकर यांनी आपल्या पडीक जमिनीमध्ये भाजीपाला लागवड केली आहे. मंगेश करलकर यांचे आर्थिक परिस्थिती बेताची असल्यामुळे करेलकर आणि त्यांचं कुटुंबीय आपल्या शेतामध्ये मेहनत, कष्ट करत भाजीपाला लागवड केली आहे. पूर्वी करेलकर कुटुंब हे अगदी थोड्या प्रमाणावर पडीक जमिनीमध्ये भाजीपाला करत होते. सुरुवातीला रासायनिक खते वापरून भाजीपाला पिकवत होतो. यावर्षी रासायनिक खतांचा वापर न करता सेंद्रिय पद्धतीने भाजी पिकवण्याचा निर्धार केला आहे, असे मंगेश करेलकर यांनी सांगितले.
ते पुढे म्हणाले की, त्यामुळे या वर्षापासून त्यांनी आपल्या एक एकर क्षेत्रामध्ये वांगी, कारली, पडवळ, दोडका, टोमॅटो ,भोपळा अशा अनेक प्रकारचे भाजीपाला लागवड केले आहे. त्याचप्रमाणे पूर्वी कलिंगड लागवड देखील केली त्यावेळेला रासायनिक खतांचा वापर केला. त्यावेळी मोठं आर्थिक नुकसान झाले होते. त्यावेळी कुठलेही मार्गदर्शन शेतीविषयक मिळाले नव्हतं. सुरुवातीला संपूर्ण पडीक जमीन ही ट्रॅक्टरच्या सहाय्याने नांगरून घेतली. त्यानंतर त्याची संपूर्ण मशागत करून त्यावर गादीवाफे तयार करून मंचिंग पेपर वापरून लागवड करण्यात आली. तर काही ठिकाणी मल्चिंग पेपर न वापर लागवड केली. त्याचप्रमाणे शेण खताचा योग्य वापर देखील जमिनीमध्ये करण्यात आला.
एक एकर क्षेत्रामध्ये मशागत करत असताना काही वेळेला बाहेरून मजूर लावून मशागत पूर्ण केली. तसेच मंगेश करेलकर आणि त्यांची पत्नी त्याचप्रमाणे मेहुणीचा देखील मदतीचा हात घेत भाजीपाला लागवड केली. मेहुणी आणि करेलकर यांची पत्नी दिवसरात्र शेतात कायम राबत असतात. या भाजीपाल्यांना सेंद्रिय फवारणी खत दिली जातात. सध्या एक एकरमध्ये पिकवलेला भाजीपाला हा आम्ही घर टू घर जाऊन विकतो. मार्केटमध्ये मिळत असलेल्या दारापेक्षाही आम्ही स्वस्त दराने विकत असल्यामुळे ग्राहक आमच्याकडे आकर्षित होत आहेत.
एक एकर क्षेत्रामध्ये लागवड केलेल्या भाजीपाल्यातून आमच्या दोन माझं आणि मेहुणीच्या कुटुंबांचा उदरनिर्वाह चांगल्यापैकी चालतो असे करेलकर सांगतात. सध्या भाजीपाला मोठ्या प्रमाणात मिळत असल्यामुळे त्यामुळे आम्ही मालवण मार्केट किंवा इतर ठिकाणी जाऊन भाजीपाला विकतो. एक एकर क्षेत्रामध्ये लागवड केलेल्या भाजीपाल्यातून आतापर्यंत ६० ते ७० हजार रुपये एवढे उत्पन्न मिळाले असून भविष्यामध्ये १ लाखापर्यंत उत्पन्न मिळू शकते, अशी प्रतिक्रिया मंगेशकर यांनी दिली आहे. त्यामुळे करलकर यांनी पडीक जमिनीतून घेतलेल्या उत्पादनातून ते समाधानी असल्याचं सांगतात.