नागपूर : खुनाच्या गुन्ह्यात जन्मठेपेची शिक्षा झालेल्या कुख्यात गुंड कुणाल भारत गोस्वामी(वय ३३, रा. जरीपटका) याने जरीपटका परिसरात राहणारी ४३ वर्षीय महिला व तिच्या १४ वर्षीय अल्पवयीन मुलीवर बलात्कार केला. या प्रकरणी पोलिसांनी बलात्कारासह विविध कलमान्वये गुन्हा दाखल करून कुणाल याला अटक केली. संचित रजेवर कुणाल हा कारागृहातून बाहेर आला आहे.
कुणाल याच्याविरुद्ध अनेक गुन्हे दाखल आहेत. १४ जानेवारीला इंदिरानगर भागात कुणाल व त्याच्या साथीदारांनी धारदार शस्त्राने वार करून रुपेश ऊर्फ पप्पू काळे याचा खून केला. या प्रकरणात न्यायालयाने कुणाल व त्याच्या साथीदारांना जन्मठेपेची शिक्षा ठोठावली. तेव्हापासून तो कारागृहात जन्मठेपेची शिक्षा भोगत आहे.
कुणाल याच्याविरुद्ध अनेक गुन्हे दाखल आहेत. १४ जानेवारीला इंदिरानगर भागात कुणाल व त्याच्या साथीदारांनी धारदार शस्त्राने वार करून रुपेश ऊर्फ पप्पू काळे याचा खून केला. या प्रकरणात न्यायालयाने कुणाल व त्याच्या साथीदारांना जन्मठेपेची शिक्षा ठोठावली. तेव्हापासून तो कारागृहात जन्मठेपेची शिक्षा भोगत आहे.
पीडित महिलेसोबत कुणालची ओळख आहे. एप्रिल २०२३मध्ये तो संचित रजेवर कारागृहातून बाहेर आला. त्याने चाकूचा धाक दाखवून त्याने महिलेवर अत्याचार करायला सुरुवात केली. याचदरम्यान चाकूच्या धाकावर कुणाल याने पीडित महिलेच्या १४ वर्षीय मुलीवरही बलात्कार केला. मारहाण करून तिला ठार मारण्याची धमकी दिली. कुणाल हा पुन्हा रजेवर बाहेर आला. शुगुरुवारी त्याने मुलीला मारहाण केली. याबाबत मुलीने पीडित महिलेला सांगितले. त्याने बलात्कार केल्याचीही माहिती मुलीने पीडितेला दिली. त्यानंतर पीडितने जरीपटका पोलिस ठाणे गाठून तक्रार दिली. पोलिसांनी गुन्हा दाखल करून कुणाल याला अटक केली.